સ્વાતંત્ર્ય દિવસની ઉજવણીની શરૂઆત સ્કૂલના પ્રાંગણમાં રાષ્ટ્રધ્વજ ફરકાવવાના કાર્યક્રમથી થઈ. આ કાર્યક્રમમાં સ્કૂલના મેનેજિંગ ટ્રસ્ટી મુફ્તી રીઝવાન તારાપુરીની ઉપસ્થિતિમાં ધ્વજવંદન કરવામાં આવ્યું. ધ્વજવંદન બાદ રાષ્ટ્રગીતનું સામૂહિક ગાન કરવામાં આવ્યું, જેમાં તમામ વિદ્યાર્થીઓ અને શિક્ષકોએ ભાગ લીધો. આ પ્રસંગે સ્કૂલના કેજીથી લઈને ધોરણ 8 સુધીના વિદ્યાર્થીઓએ વિવિધ સાંસ્કૃતિક અને દેશભક્તિના કાર્યક્રમોમાં ઉત્સાહપૂર્વક ભાગ લીધો.વિદ્યાર્થીઓએ દેશભક્તિ અને ભારતની આઝાદીના ઈતિહાસ પર આધારિત વક્તવ્યો આપ્યા, જેમાં તેમણે દેશના સ્વાતંત્ર્ય સંગ્રામની ગાથાઓ અને શહીદોના બલિદાનનું સન્માન કર્યું. આ ઉપરાંત, દેશભક્તિના ગીતો, નૃત્ય અને નાટકો રજૂ કરવામાં આવ્યા, જેમાં વિદ્યાર્થીઓએ દેશ પ્રત્યેની તેમની ભાવનાઓને અભિવ્યક્ત કરી. આ કાર્યક્રમોએ ઉપસ્થિત તમામ લોકોમાં રાષ્ટ્રીય ગૌરવની ભાવના જગાડી.સ્કૂલના મેનેજરે જાવેદ શેખે પણ વિધાર્થીઓને બિરદાવ્યા હતા
જામિઆહફસાસ્કૂલ માં મુફ્તી રીઝવાન તારાપુરીનું પ્રેરણાદાયી સંબોધન
કાર્યક્રમ દરમિયાન મુફ્તી રીઝવાન તારાપુરીએ સૌને સ્વાતંત્ર્ય દિવસની શુભેચ્છાઓ પાઠવી અને દેશના મહાન નેતાઓ મહાત્મા ગાંધી, જવાહરલાલ નહેરુ, સરદાર પટેલ અને ડૉ. ભીમરાવ આંબેડકરના યોગદાનને યાદ કર્યું. તેમણે જણાવ્યું કે, “આ નેતાઓના બલિદાન અને દેશના વિકાસમાં તેમના યોગદાનને કારણે ભારત હંમેશા તેમનું ઋણી રહેશે.” તેમના સંબોધનથી વિદ્યાર્થીઓ અને ઉપસ્થિત લોકોમાં દેશભક્તિનો જુસ્સો જાગ્યો.
વિદ્યાર્થીઓ, વાલીઓ અને શિક્ષકોની ઉપસ્થિતિ
આ કાર્યક્રમમાં મોટી સંખ્યામાં વિદ્યાર્થીઓ, વાલીઓ, શિક્ષકો અને આમંત્રિત મહેમાનો ઉપસ્થિત રહ્યા. સ્કૂલના શિક્ષક સ્ટાફે પણ આ કાર્યક્રમના આયોજનમાં મહત્વની ભૂમિકા ભજવી અને વિદ્યાર્થીઓને દેશભક્તિનું મૂલ્ય સમજાવ્યું. આ ઉજવણીએ નવી પેઢીમાં રાષ્ટ્રીય ગૌરવ અને ઐતિહાસિક જાગૃતિનો સંદેશ પહોંચાડ્યો.
આ પણ વાંચો: Arjun Tendulkars engagement: સચિન તેંડુલકરના પુત્ર અર્જુન તેંડુલકરની થઈ સગાઈ
