ભાવનગર મ્યુનિસિપલ કમિશનર કચેરી :સૌરાષ્ટ્રમાં નોકરી શોધી રહેલા યુવાનો માટે એક સારા સમાચાર છે. પ્રાદેશિક કમિશનર, નગરપાલિકા કચેરી, ભાવનગર ઝોન દ્વારા વિવિધ પોસ્ટ માટે કુલ 29 જગ્યાઓ પર 11 માસના કરાર આધારિત ભરતીની જાહેરાત કરવામાં આવી છે. આ ભરતી પ્રધાનમંત્રી આવાસ યોજના (શહેરી) 2.0 અંતર્ગત સીટી લેવલ ટેકનિકલ સ્ટાફ માટે છે.
ભાવનગર મ્યુનિસિપલ કમિશનર કચેરી : મુખ્ય માહિતી અને પોસ્ટની વિગતો
આ ભરતી પ્રક્રિયા અંતર્ગત, સૌરાષ્ટ્રના ચાર જિલ્લાઓ – ભાવનગર, અમરેલી, જૂનાગઢ અને ગીર સોમનાથ – ની નગરપાલિકાઓ માટે ઉમેદવારોની પસંદગી કરવામાં આવશે. કુલ 29 જગ્યાઓ માટે ભરતી થવાની છે, જેની વિગતો નીચે મુજબ છે:
- સિવિલ એન્જિનિયર: 15 જગ્યાઓ
- એમ.આઈ.એલ. એક્સપર્ટ: 7 જગ્યાઓ
- ફાઇનાન્સિયલ મેનેજમેન્ટ એન્ડ એકાઉન્ટિંગ એક્સપર્ટ: 6 જગ્યાઓ
- આઈ.ઈ.સી. એક્સપર્ટ: 1 જગ્યા
- કુલ જગ્યાઓ: 29
ભાવનગર મ્યુનિસિપલ કમિશનર કચેરી : પગાર ધોરણ અને અરજી પ્રક્રિયા
પસંદગી પામેલા ઉમેદવારોને તેમની શૈક્ષણિક લાયકાત મુજબ પગાર ચૂકવવામાં આવશે. સ્નાતક ઉમેદવારોને ₹30,000 અને અનુસ્નાતક ઉમેદવારોને ₹35,000 નો માસિક ફિક્સ પગાર મળશે.
અરજી કરવાની પ્રક્રિયા સંપૂર્ણપણે ઓફલાઈન છે. ઉમેદવારોએ તેમની અરજી જાહેરાત પ્રસિદ્ધ થયાના 15 દિવસની અંદર (એટલે કે 4 ઓક્ટોબર, 2025 સુધીમાં) ફક્ત રજિસ્ટર્ડ એ.ડી. અથવા સ્પીડ પોસ્ટ દ્વારા જ મોકલવાની રહેશે. અરજી રૂબરૂ સ્વીકારવામાં આવશે નહીં.
અરજી મોકલવાનું સરનામું: પ્રાદેશિક કમિશનર, નગરપાલિકા કચેરી, ભાવનગર ઝોન
નોંધ: અરજીના કવર પર જાહેરાત ક્રમાંક અને અરજી કરેલી પોસ્ટનું નામ સ્પષ્ટ રીતે લખવું ફરજિયાત છે. નિશ્ચિત સમય મર્યાદા પછી આવેલી અરજીઓ માન્ય ગણાશે નહીં.વધુ માહિતી માટે, ઉમેદવારોએ સત્તાવાર નોટિફિકેશન ધ્યાનપૂર્વક વાંચવું હિતાવહ છે.
આ પણ વાંચો: ભારતે પાકિસ્તાનને ફરી ધૂળ ચટાડી,ઇન્ડિયાએ પાકિસ્તાનને છ વિકેટથી હરાવ્યું
