GUJARAT BJP: ગાંધીનગર: ગુજરાત પ્રદેશ ભાજપ સંગઠનની નવી ટીમોની જાહેરાત બાદ હવે સંગઠન પર્વના આગામી તબક્કા તરીકે શહેર અને જિલ્લા ભાજપના માળખામાં મોટા ફેરફારો કરવામાં આવ્યા છે. પ્રદેશ અધ્યક્ષની સૂચના અને રાષ્ટ્રીય નેતૃત્વની સહમતી બાદ ગુજરાત ભાજપે વિવિધ જિલ્લા અને શહેર સંગઠનના હોદ્દેદારોની યાદી સત્તાવાર રીતે જાહેર કરી દીધી છે. આ યાદીમાં ખાસ કરીને દાહોદ, આણંદ અને જૂનાગઢ શહેર જેવા મહત્વના વિસ્તારોમાં નવા હોદ્દેદારોને જવાબદારી સોંપવામાં આવી છે.
GUJARAT BJP: : સીધું જ સંગઠન પર ફોકસ ભારતીય જનતા પાર્ટી દ્વારા તાજેતરમાં પ્રદેશ સ્તરે ફેરબદલ કર્યા બાદ હવે પાયાના સ્તરે સંગઠનને મજબૂત બનાવવા માટે જિલ્લા ક્ષેત્રે ફેરફારો કરવામાં આવ્યા છે. પક્ષના સૂત્રોના જણાવ્યા અનુસાર, આ નિમણૂકોમાં અનુભવ અને યુવા જોશના સમન્વય પર ભાર મૂકવામાં આવ્યો છે. દાહોદ અને આણંદ જિલ્લામાં સંગઠનને નવી ગતિ આપવા માટે નવા નામોની જાહેરાત કરવામાં આવી છે, જે આગામી સમયમાં પક્ષની કામગીરીમાં મહત્વની ભૂમિકા ભજવશે.
રાષ્ટ્રીય નેતૃત્વની મંજૂરી અને પદોની વહેંચણી ભાજપે તેની સત્તાવાર વેબસાઈટ પર પ્રેસનોટ જાહેર કરતા જણાવ્યું કે, રાષ્ટ્રીય અધ્યક્ષ જગત પ્રકાશ નડ્ડાજી અને કાર્યકારી રાષ્ટ્રીય અધ્યક્ષ નીતિન નબીનની સહમતીથી આ નિમણૂકો કરવામાં આવી છે. આ યાદીમાં જૂનાગઢ શહેર સંગઠન પર વિશેષ ધ્યાન કેન્દ્રિત કરવામાં આવ્યું છે. જૂનાગઢ શહેરમાં 3 મહામંત્રી અને 8 ઉપપ્રમુખોની વરણી કરવામાં આવી છે. આ ઉપરાંત, સંગઠનમાં સંતુલન જળવાઈ રહે તે માટે 8 મંત્રીઓની પણ નિમણૂક કરવામાં આવી છે.
વધુમાં, પાર્ટીના વિવિધ મોરચા (જેમ કે યુવા મોરચા, મહિલા મોરચા વગેરે) ના પ્રમુખ અને ઉપપ્રમુખના નામોની પણ સાથે જ જાહેરાત કરી દેવામાં આવી છે. આ નવી નિમણૂકો સાથે ભાજપે સ્થાનિક સ્તરે ચૂંટણીલક્ષી રણનીતિ અને જનસંપર્ક અભિયાનને વધુ તેજ બનાવવાનો સંકેત આપ્યો છે.
આ પણ વાંચો: ભાજપના નવા રાષ્ટ્રીય કાર્યકારી અધ્યક્ષ તરીકે NitinNabin નિમણૂક,જાણો તેમના વિશે તમામ માહિતી
