Gujarat Groundnut Oil Price નવરાત્રિ અને દિવાળી જેવા પવિત્ર તહેવારો આડે હવે ગણતરીના દિવસો બાકી રહ્યા છે, ત્યારે ગુજરાતના સામાન્ય વર્ગ અને ગૃહિણીઓ માટે ચિંતાજનક સમાચાર સામે આવ્યા છે. રાજ્યમાં ખાદ્યતેલ બજારમાં અચાનક ભાવવધારો ઝીંકાતા સીંગતેલના ડબ્બાનો ભાવ રૂ. ૩,૦૦૦ ની મનોવૈજ્ઞાનિક સપાટી વટાવી ગયો છે. સતત ત્રીજા વર્ષે મગફળીનું મબલખ ઉત્પાદન નોંધાયું હોવા છતાં, તેલના ભાવમાં થયેલા આ તોતિંગ વધારાથી સામાન્ય પરિવારોનું માસિક બજેટ સંપૂર્ણપણે ખોરવાઈ ગયું છે.
Gujarat Groundnut Oil Price માત્ર ચાર દિવસમાં ભાવ વધારો અને બજારની સ્થિતિ
-
રૂ. ૮૫ નો મોટો ઉછાળો: તહેવારોની મોસમ નજીક આવતાં જ સટ્ટાખોરી અને વધતી માંગ વચ્ચે તેલ બજારોમાં છેલ્લા માત્ર ચાર દિવસની અંદર સીંગતેલના ડબ્બામાં રૂ. ૮૫ નો વધારો નોંધાયો છે.
-
નવા ભાવની સપાટી: આ ભાવવધારા સાથે બજારમાં પ્રતિ ૧૫ કિલો નવા ટીનનો ભાવ રૂ. ૨,૯૫૫ થી વધીને રૂ. ૩,૦૦૫ ની ઊંચી સપાટીએ પહોંચી ગયો છે, જે સીધો ગ્રાહકોના ખિસ્સા પર બોજ નાખી રહ્યો છે.
-
સરકારી નિયંત્રણનો અભાવ: તહેવારોના સમયે ખેડૂતોને પોષણક્ષમ ભાવ મળી રહે અને સામાન્ય ગ્રાહકોને વ્યાજબી ભાવે ખાદ્યતેલ ઉપલબ્ધ થાય તેવી કોઈ અસરકારક વ્યવસ્થા કે પગલાં સ્થાનિક તંત્ર દ્વારા લેવાયા ન હોવાની ચર્ચા છે.
મબલખ મગફળી ઉત્પાદન છતાં તેલ મોંઘું કેમ?
-
ઉત્પાદનના આંકડા: ચાલુ ખરીફ સીઝનમાં રાજ્યના ઘણા વિસ્તારોમાં અનિયમિત વરસાદ છતાં પણ અંદાજે ૫૦.૩૩ લાખ ટન મગફળીનું ઉત્પાદન થયું છે. આ ઉત્પાદન વર્ષ ૨૦૨૨-૨૩ અને ૨૦૨૩-૨૪ ના પાછલા વર્ષો કરતાં લગભગ ૫ લાખ ટન વધુ છે.
-
૩ વર્ષનો રેકોર્ડ તૂટ્યો: ગત વર્ષે રાજ્યમાં ૬૨ લાખ ટન ઉત્પાદન હતું. જોકે, પાછલા વર્ષોમાં ઓછા ઉત્પાદન છતાં પણ ભાવ આટલા ઊંચા ગયા નહોતા. જ્યારે ચાલુ વર્ષે પૂરતો પાક હોવા છતાં સીંગતેલનો ભાવ છેલ્લા ૩ વર્ષની સર્વોચ્ચ સપાટીએ પહોંચી ગયો છે.
