પશ્ચિમ આફ્રિકાના એક દેશમાં જેહાદી આતંકવાદી સંગઠને દિવસભર નરસંહાર કર્યો અને 100થી વધુ લોકોના મોત થયા. હજુ પણ અનેક લાશો ઝાડીઓમાં સડી રહી છે. અમે વાત કરી રહ્યા છીએ નાઈજીરીયાની. અહીં, ઇસ્લામિક જેહાદી સંગઠન બોકો હરામના આતંકવાદીઓએ ઉત્તર-પૂર્વ નાઇજીરિયાના એક ગામમાં હુમલો કરીને ઘણા લોકોની હત્યા કરી નાખી. હુમલા દરમિયાન જૂથના સભ્યોએ દુકાનો અને મકાનોને આગ ચાંપી દીધી હતી. આ હુમલો રવિવારે બપોરે થયો હતો.
સ્થાનિક અધિકારી બુલામા જલાલુદ્દીને જણાવ્યું કે જેહાદી આતંકવાદી હુમલામાં 100થી વધુ લોકો માર્યા ગયા. બોકો હરામ પશ્ચિમ આફ્રિકા પ્રાંતના ઇસ્લામિક સ્ટેટ્સ (ISWAP) તરીકે ઓળખાય છે. આતંકવાદીઓએ બજાર, પૂજારીઓ અને લોકોના ઘરો પર ગોળીબાર કર્યો, જેમાં ઓછામાં ઓછા 100 ગ્રામજનો માર્યા ગયા. સ્થાનિક રહેવાસીઓએ બુધવારે આ દાવો કર્યો હતો.
યોબે પોલીસના પ્રવક્તા ડુંગસ અબ્દુલકરીમે જણાવ્યું હતું કે, રવિવારે સાંજે 50થી વધુ આતંકવાદીઓ મોટરસાઇકલ પર યોબે રાજ્યના તારમુવા કાઉન્સિલ વિસ્તારમાં પ્રવેશ્યા હતા અને ઇમારતોને આગ લગાડતા પહેલા ગોળીબાર કર્યો હતો. યોબેના ડેપ્યુટી ગવર્નર ઈદી બાર્ડે ગુબાનાએ રવિવારના હુમલામાં મૃત્યુઆંક 34 પર મૂક્યો હતો.
સમુદાયના નેતા જાના ઉમરે કહ્યું કે લેફ્ટનન્ટ ગવર્નરે જે 34 લોકોનો ઉલ્લેખ કર્યો છે તે હુમલામાં માર્યા ગયા છે તે એક જ ગામના હતા. તેમણે કહ્યું કે હુમલામાં અત્યાર સુધીમાં 102 ગ્રામવાસીઓના મોતની પુષ્ટિ થઈ છે. તેમણે કહ્યું કે અધિકારીઓના આગમન પહેલા મોટાભાગના લોકોને કાં તો દફનાવવામાં આવ્યા હતા અથવા તેમના મૃતદેહને દફનાવવા માટે અન્ય સ્થળોએ લઈ જવામાં આવ્યા
આ પણ વાંચો- કોંગોની જેલમાં નાસભાગ મચતા 129 કેદીઓના મોત
