મહારાષ્ટ્ર અને ઝારખંડ વિધાનસભાની ચૂંટણી ની તારીખો જાહેર કરવામાં આવી છે. ચૂંટણી પંચે મંગળવારે પત્રકાર પરિષદ દ્વારા ચૂંટણી કાર્યક્રમની જાહેરાત કરી હતી. મુખ્ય ચૂંટણી કમિશનર રાજીવ કુમારે કહ્યું કે મહારાષ્ટ્રમાં એક જ તબક્કામાં ચૂંટણી યોજાશે. અહીં 20 નવેમ્બરે મતદાન થશે અને 23 નવેમ્બરે મતગણતરી થશે. તે જ સમયે, ઝારખંડમાં બે તબક્કામાં ચૂંટણી યોજાશે. અહીં પ્રથમ તબક્કામાં 13 નવેમ્બરે અને બીજા તબક્કામાં 20 નવેમ્બરે મતદાન થશે. પરિણામ 23 નવેમ્બરે આવશે.
મહારાષ્ટ્રમાં વિધાનસભાની ચૂંટણી ની કેટલી બેઠકો છે?
મહારાષ્ટ્રમાં કુલ 288 વિધાનસભા બેઠકો છે, જેમાંથી બહુમત માટે 145 બેઠકો જરૂરી છે. 2019ની ચૂંટણીમાં ભાજપને 105, શિવસેનાને 56, NCPને 54, કોંગ્રેસને 44 અને અન્યને 29 બેઠકો મળી હતી.
ઝારખંડમાં વિધાનસભાની કેટલી બેઠકો છે?
ઝારખંડમાં વિધાનસભાની 81 બેઠકો છે. છેલ્લી ચૂંટણીઓમાં, ઝારખંડ મુક્તિ મોરચા (જેએમએમ) 30 બેઠકો જીતી હતી અને ભાજપે 25 બેઠકો જીતી હતી, જ્યારે 26 બેઠકો અન્ય પક્ષોને ગઈ હતી. જેએમએમ ચૂંટણીમાં સૌથી મોટી પાર્ટી તરીકે ઉભરી હતી.
મહારાષ્ટ્ર અને ઝારખંડ વિધાનસભા ચૂંટણીની તારીખો જાહેર કરવામાં આવી છે. મહારાષ્ટ્રમાં 20 નવેમ્બરે એક જ તબક્કામાં મતદાન થશે. ઝારખંડમાં બે તબક્કામાં મતદાન થશે. પ્રથમ તબક્કાનું મતદાન 13 નવેમ્બરે થશે જ્યારે બીજા તબક્કાનું મતદાન 20મીએ થશે. મહારાષ્ટ્રમાં પણ એ જ દિવસે મતદાન થવાનું છે. બંને રાજ્યોના ચૂંટણી પરિણામો 23 નવેમ્બરે એક સાથે જાહેર કરવામાં આવશે. ઝારખંડના ઘણા જિલ્લાઓ નક્સલ પ્રભાવિત છે અને ત્યાં સુરક્ષાની ચિંતા છે. જેના કારણે બે રાઉન્ડમાં મતદાન કરાવવાનો નિર્ણય લેવામાં આવ્યો છે. તેમ છતાં, આ એક મોટો નિર્ણય છે કારણ કે 2019 માં, અહીં 5 તબક્કામાં મતદાન થયું હતું. આ બંને રાજ્યોની સાથે વાયનાડ લોકસભા સીટ પર પણ 13 નવેમ્બરે મતદાન થશે. રાહુલ ગાંધીના રાજીનામાના કારણે આ બેઠક ખાલી પડી છે.
આ પણ વાંચો – વકફ સુધારણા બિલની JPC બેઠકમાં ફરી બબાલ, વિપક્ષે કર્યું વોકઆઉટ! BJP પર લગાવ્યા ગંભીર આરોપ
