પોલીસની વેરિફિકેશન રિર્પોટ – પાસપોર્ટ બનાવવા અથવા રિન્યુ કરાવવા માટે કતારમાં ઉભેલા લોકો માટે સારા સમાચાર છે. રાજસ્થાન હાઈકોર્ટે કહ્યું છે કે પોલીસ તપાસનો રિપોર્ટ નેગેટિવ આવે તો પણ પાસપોર્ટ બનાવવાનું રોકી શકાય નહીં. તાજેતરમાં હાઈકોર્ટે ચુકાદો આપ્યો છે કે નકારાત્મક પોલીસ વેરિફિકેશન રિપોર્ટ હોવાના કારણે નાગરિકને પાસપોર્ટ મેળવવાના કાયદાકીય અધિકારથી વંચિત કરવામાં આવતું નથી. જસ્ટિસ અનૂપ કુમાર ધંડની બેન્ચે ભારપૂર્વક જણાવ્યું હતું કે પાસપોર્ટ ઓથોરિટી પોલીસ રિપોર્ટથી બંધાયેલી નથી.
પોલીસની વેરિફિકેશન રિર્પોટ -સાવિત્રી શર્મા વિ. યુનિયન ઓફ ઈન્ડિયાના કેસમાં સાવિત્રી શર્માની અરજી પર સુનાવણી કરતા બેન્ચે તેના ચુકાદામાં કહ્યું હતું કે, “એક પ્રતિકૂળ પોલીસ વેરિફિકેશન રિપોર્ટ નાગરિકને પાસપોર્ટ મેળવવાના તેના કાયદાકીય અધિકારથી વંચિત કરી શકે નહીં. તે પાસપોર્ટ સત્તાધિકારી માટે છે. વેરિફિકેશન રિપોર્ટમાં આરોપી વ્યક્તિના તથ્યો/પૂર્વજોને ધ્યાનમાં રાખીને આરોપી વ્યક્તિને પાસપોર્ટ જારી કરવો કે નહીં તે નક્કી કરવામાં આવે છે.
જો કે, કોર્ટે પાસપોર્ટ વિભાગને સ્વતંત્રતા આપી છે કે જો પોલીસ વેરિફિકેશનમાં કંઇક ખોટું હોય તો તેઓ કાયદા મુજબ કાર્યવાહી કરવા માટે સ્વતંત્ર છે. આ સાથે હાઈકોર્ટે કેન્દ્ર સરકાર અને પાસપોર્ટ ઓફિસરને અરજદારની પાસપોર્ટ રિન્યુઅલની અરજીને 8 સપ્તાહની અંદર ચલાવવાનો નિર્દેશ આપ્યો છે. હાઈકોર્ટે કહ્યું કે કોઈપણ ભારતીય નાગરિકને તેનો પાસપોર્ટ મેળવવા કે રિન્યૂ કરવાના કાયદાકીય અધિકારથી વંચિત રાખી શકાય નહીં. કોર્ટે સ્પષ્ટ કહ્યું કે પાસપોર્ટ કે ટ્રાવેલ ડોક્યુમેન્ટ આપવાનો નિર્ણય પાસપોર્ટ ઓથોરિટી દ્વારા જ લેવામાં આવે.
આ પણ વાંચો – ગુજરાત વિદ્યાપીઠમાં લાખો રૂપિયાની નોકરી મેળવવાની સોનેરી તક,જાણો તમામ માહિતી
