Israeli PM beaten by his son- નેતન્યાહુના પુત્ર વિશે ખૂબ જ મહત્વપૂર્ણ માહિતી સામે આવી છે. આ ખુલાસા બાદ અનેક સવાલો ઉભા થવા લાગ્યા છે. હકીકતમાં, નેતન્યાહુના પુત્ર યાયર નેતન્યાહુએ તેમના પિતા વડા પ્રધાન નેતન્યાહુને જમીન પર ફેંકીને માર માર્યો અને તેનું ગળું દબાવ્યું હોવાનું બહાર આવ્યું છે. જેના કારણે તેને ઈઝરાયલમાંથી કાઢી મુકવામાં આવ્યો હતો.
ઈઝરાયેલના વડાપ્રધાનના પુત્રએ તેમને માર માર્યો
Israeli PM beaten by his son- કુવૈતી અખબાર અલ-જરીદા અનુસાર, પુત્રો વચ્ચેની લડાઈની આ ઘટના 7 ઓક્ટોબર, 2023ના રોજ હમાસ દ્વારા ઈઝરાયેલ પર હુમલા દરમિયાન બની હતી. વડા પ્રધાનની સુરક્ષા માટે તૈનાત એક વરિષ્ઠ સુરક્ષા અધિકારીએ નામ ન આપવાની શરતે અલ-જરિદાને જણાવ્યું હતું કે ઘટના સમયે ફર્સ્ટ લેડી (નેતન્યાહૂની પત્ની) સારા નેતન્યાહુ પણ ત્યાં હાજર હતા.
ચીસો સાંભળીને સુરક્ષાકર્મીઓ રૂમમાં પહોંચ્યા
રિપોર્ટ અનુસાર, જ્યારે સુરક્ષાકર્મીઓએ તેમની ચીસો સાંભળી ત્યારે તેઓ સ્થળ પર પહોંચ્યા અને પિતા-પુત્રને એકબીજાથી અલગ કર્યા. પુત્ર દ્વારા ગળું દબાવવામાં આવ્યા બાદ ઈઝરાયેલના વડાપ્રધાનની હાલત નાજુક હતી અને તેમને શ્વાસ લેવામાં પણ તકલીફ થઈ રહી હતી. સુરક્ષાકર્મીઓએ વડાપ્રધાનને પાણી પીવડાવ્યું, પરંતુ સતત ઉધરસને કારણે નેતન્યાહૂને ઉલ્ટી થઈ ગઈ. તેને સાજા થવામાં ઘણો સમય લાગ્યો હતો.
સુરક્ષા માટે લેવાયો મોટો નિર્ણય
આ ઘટના બાદ ઈઝરાયેલના વડાપ્રધાનના આક્રમક પુત્ર યાયર નેતન્યાહુને અમેરિકાના ફ્લોરિડાના મિયામી મોકલવામાં આવ્યા હતા. ઇઝરાયેલની જનરલ સિક્યુરિટી સર્વિસે યયા નેતન્યાહુને તેના પિતાની સુરક્ષા માટે ખતરો જાહેર કર્યો હતો અને તેના પુત્રને તેના પિતા સાથે રહેવા પર પ્રતિબંધ મૂક્યો હતો.
અધિકારીઓએ આ બાબત છુપાવી હતી
સૂત્રોને ટાંકીને અખબાર અલ-જરીદાએ તેના અહેવાલમાં દાવો કર્યો છે કે સુરક્ષા દળોએ આ ઘટનાને ઢાંકી દીધી હતી અને તેમના પુત્ર યાયર નેતન્યાહુને યુનાઇટેડ સ્ટેટ્સમાં દેશનિકાલ કર્યો હતો. બીજી તરફ, નેતન્યાહૂની પત્ની સારા નેતન્યાહૂ તેના પુત્રની શોધમાં મિયામી ગઈ હતી, જ્યાં સુધી તે યાયર નેતન્યાહુની માનસિક સારવાર પૂરી ન થાય ત્યાં સુધી રહેશે.
આ પણ વાંચો – ભારતે ઇંગ્લેન્ડને પ્રથમ T20માં 7 વિકેટે હરાવ્યું, અભિષેક શર્માની વિસ્ફોટક બેટિંગ!
