ગુજરાતમાં આમ આદમી પાર્ટી (AAP Gujarat) એક તરફ વિસ્તાર કરી રહી છે, તો બીજી તરફ અંદરથી તીવ્ર ધ્રુવીકરણ જોવા મળી રહ્યું છે. તાજેતરમાં AAPના નેતા ઉમેશ મકવાણાએ (Umesh Makwana) પાર્ટીના દરેક પદેથી રાજીનામું આપીને રાજકીય વાતાવરણ ગરમાવ્યું છે. હવે પ્રશ્ન એ છે કે – શું તેમને ધારાસભ્ય પદેથી પણ રાજીનામું આપ્યું છે?
ગુજરાતમાં આમ આદમી પાર્ટી (AAP) એક તરફ organizational સ્તરે પોતાનો પાયો મજબૂત કરતી નજરે પડે છે, પરંતુ બીજી તરફ પાર્ટીના અગ્રણીઓના રાજીનામાઓના કારણે અંદરખાને અસંતોષની આઝાદી પણ સતત વધતી જઈ રહી છે. આજ રોજ AAPના આગેવા અને વિધાનસભાના દંડક તરીકે સેવારત ઉમેશ મકવાણાએ પાર્ટીના તમામ પદોથી રાજીનામું આપતાં રાજકીય પડઘો ઊભો થયો છે.
ઉમેશ મકવાણાએ તેમના સત્તાવાર લેટર પેડ પર જાહેર કરેલા રાજીનામામાં લખ્યું છે કે, “હું આમ આદમી પાર્ટીમાં રાષ્ટ્રીય સંયુક્ત સચિવના પદ પર છેલ્લા 2.5 વર્ષથી સેવા આપી રહ્યો છું. સાથે હું વિધાનસભામાં AAPના દંડક તરીકે પણ કાર્યરત છું. હાલ મારું ધ્યાન સામાજિક સેવાઓ તરફ વધુ આપવા માટે, હું પાર્ટીના દરેક પદેથી રાજીનામું આપી રહ્યો છું.”પરંતુ તેમણે ખાસ કરીને પોતાના ધારાસભ્ય પદે રાજીનામું આપ્યું છે કે નહીં, તેનું કોઈ સ્પષ્ટ ઉલ્લેખ રાજીનામામાં કરવામાં આવ્યો નથી. આ કારણે રાજકીય માહોલમાં અનેક તર્ક વિતર્ક ઊભા થયા છે.
ગોપાલ ઈટાલિયાની વિજય પછી મકવાણાનું રાજીનામું
અત્યારના પરિસ્થિતિને જોતા આ પ્રશ્ન વધુ ચુસ્ત બની રહ્યો છે કે – શું ગોપાલ ઈટાલિયાની વિસાવદર વિધાનસભા બેઠક પર તાજેતરમાં થયેલી જીત એ મકવાણાના રાજીનામાનું કારણ બની? કે પછી પાર્ટીમાં કોઈ આંતરિક મતભેદ કે જૂથબાજી ચાલી રહી છે?વિશેષ વાત એ છે કે વિસાવદરમાં આમ આદમી પાર્ટીની જીત થયા બાદ માત્ર ત્રણ જ દિવસમાં ઉમેશ મકવાણાનું રાજીનામું બહાર આવ્યું છે, જે રાજકીય પંડિતો માટે ચર્ચાનો વિષય બની ગયું છે.
ભાજપ-કોંગ્રેસ પર પણ નિશાન
મકવાણાએ માત્ર AAP પર જ નહીં, પણ રાજ્યની અન્ય બે મુખ્ય પક્ષો – ભાજપ અને કોંગ્રેસ – પર પણ આકરા પ્રહારો કર્યા છે. તેમણે સ્પષ્ટ રીતે જણાવ્યું કે, “હું જે આશાઓ અને હેતુઓ સાથે આમ આદમી પાર્ટીમાં જોડાયો હતો, તે દિશામાં કામ થતું ન જણાતા નિરાશ થયો છું. ખાસ કરીને પછાત વર્ગના લોકો માટે જે પ્રતિબદ્ધતા જોઈતી હતી તે પાર્ટીમાં જોવા મળતી નથી.”આ નિવેદન સાથે એ સ્પષ્ટ થાય છે કે ઉમેશ મકવાણા પાર્ટીની નીતિઓથી અપ્રસન્ન છે અને ખાસ કરીને પછાત વર્ગના લોકોના પ્રતિ પ્રતિબદ્ધતા અને સ્થાન ન મળવાના મુદ્દે અસંતોષ વ્યક્ત કર્યો છે.
રાજકીય અસર અને આગામી અટકળો
હવે મુખ્ય પ્રશ્ન એ ઊભો થાય છે કે, શું ઉમેશ મકવાણાની આસપાસનાં અન્ય નેતાઓ પણ આવા જ અસંતોષના માર્ગે ચાલી શકે છે? તથા શું આમ આદમી પાર્ટી ગુજરાતમાં વૃદ્ધિ કરતા સંગઠનને અંદરથી જ સંકટનો સામનો કરવો પડી શકે?
આ પણ વાંચો – CBSE 10th Exam: CBSE દ્વારા ધોરણ 10માની બોર્ડ પરીક્ષા હવે વર્ષમાં બે વાર લેવામાં આવશે
