મન્સુરી સાહેબ: મહેમદાવાદના ખાત્રજ દરવાજા બહાર રહેતા અને શાહી જામા મસ્જિદના પ્રમુખ તેમજ પ્રખ્યાત નિવૃત શિક્ષક અબ્દુલ રહીમ યાકુબભાઇ મન્સુરી (માસ્તર)નું 10 જુલાઈ, 2025ના રોજ દુ:ખદ અવસાન થયું છે. તેમનો જનાજો આજે રાત્રે 10:00 કલાકે તેમના નિવાસસ્થાન, ખાત્રજ દરવાજા બહારથી નીકળીને કચેરી દરવાજા બહાર, હુસેની મસ્જિદ પાસે આવેલા કબ્રસ્તાનમાં લઈ જવામાં આવશે. મર્હુમ અબ્દુલ રહીમ મન્સુરી મહેમદાવાદ અને સમગ્ર સમાજમાં તેમના નેક વ્યક્તિત્વ, સેવાભાવ અને શિક્ષણ ક્ષેત્રે ઉત્કૃષ્ટ યોગદાન માટે જાણીતા હતા. તેમના અવસાનથી પરિવાર અને સમાજને અપૂરણીય ખોટ પડી છે.
મન્સુરી સાહેબ: મર્હુમ અબ્દુલ રહીમ યાકુબભાઇ મન્સુરી મહેમદાવાદના શાહી જામા મસ્જિદના પ્રમુખ તરીકે તેમજ એક પ્રખર શિક્ષક તરીકે સમાજમાં ખૂબ જ લોકપ્રિય હતા. તેમની સેવાભાવી વૃત્તિ અને સમાજ માટે કંઈક કરવાની ધગશ કાબિલે દાદ હતી. તેમણે શિક્ષણ ક્ષેત્રે પોતાની અદભૂત કામગીરી દ્વારા અનેક વિદ્યાર્થીઓના જીવનને નવી દિશા આપી. શિક્ષક સમાજમાં પણ તેમનું નામ આદર અને સન્માન સાથે લેવામાં આવતું હતું.