Allu Arjun look : હાલ બોક્સ ઓફિસ પર સાઉથના સુપરસ્ટાર અલ્લુ અર્જુનની ફિલ્મ **’પુષ્પા: ધ રુલ’**નો જાદુ છવાઈ રહ્યો છે. પાંચમી ડિસેમ્બરે રિલીઝ થયેલી આ ફિલ્મે પ્રેક્ષકો અને બોક્સ ઓફિસ બંને પર જબરદસ્ત ધમાલ મચાવી છે. ફિલ્મમાં પુષ્પારાજના ચાલ, બોલવાના અંદાજ અને ફાઈટિંગ સ્ટાઈલથી દર્શકો મંત્રમુગ્ધ થઈ ગયા છે.
પરંતુ શું તમે જાણો છો કે અલ્લુ અર્જુનને પુષ્પા તરીકે જીવંત કરવા માટે અડધા ડઝનથી વધુ લોકો કલાકો સુધી મેકઅપ પર મહેનત કરતાં હતા? આ બધાની ઝલક એક વાઈરલ વિડિયોમાં જોવા મળી છે.
બિહાઈન્ડ ધ સીન વિડિયો થયો વાઈરલ
ફિલ્મના સેટ પરથી વાયરલ થયેલા વિડિયોમાં અનેક મેકઅપ આર્ટિસ્ટ અલ્લુ અર્જુનને પુષ્પાના લૂકમાં ઘડતા જોવા મળે છે. છથી વધુ લોકોના આ કામને કલાકો સુધી ચાલવું પડ્યું, જે બાદ પુષ્પારાજનો આઈકોનિક લૂક તૈયાર થયો.
ફિલ્મનું જાદુ અને કમાણીના આંકડા
પુષ્પા-2 આ વર્ષે બોક્સ ઓફિસ પર ઐતિહાસિક સફળતા પ્રાપ્ત કરનારી ફિલ્મ બની છે. વર્લ્ડવાઈડ આ ફિલ્મે અત્યાર સુધીમાં 1685 કરોડ રૂપિયાથી વધુ કમાણી કરી છે, જેમાંથી માત્ર ભારતમાં જ 1189 કરોડ રૂપિયાની કમાણી થઈ છે. આ સાથે ફિલ્મે ઈન્ડિયન સિનેમાના સૌથી વધુ કમાણી કરનારા પ્રોજેક્ટ્સમાં સ્થાન મેળવ્યું છે.
ઓટીટી પર રિલીઝ અને ત્રીજા પાર્ટ અંગે અપડેટ
પ્રેક્ષકો હવે પુષ્પા-2ની ઓટીટી રિલીઝની આતુરતાથી રાહ જોઈ રહ્યા છે. આ સાથે ફિલ્મના અંતે ત્રીજા પાર્ટની જાહેરાત થતાં જ ફેન્સમાં ઉત્સુકતા વધી ગઈ છે. જો કે, પુષ્પા-3ના રિલીઝની તારીખ અંગે હજી સુધી કોઈ સત્તાવાર જાહેરાત થઈ નથી.
અલ્લુ અર્જુનના લૂકની દિવાનગી
અર્જુનના પુષ્પા લૂક અને સ્ટાઈલના ફેન્સ એટલા દીવાના થઈ ગયા છે કે આ પાત્ર સાઉથ સિનેમાથી આગળ વધી, આંતરરાષ્ટ્રીય સ્તરે પણ લોકપ્રિય બની ગયું છે.
