Alaska Plane Crash: અમેરિકા તેના F-35 ફાઇટર જેટને વિશ્વનું સૌથી અદ્યતન લડાકૂ વિમાન ગણાવે છે, પરંતુ તાજેતરના અકસ્માતે તેની ટેક્નોલોજી પર સવાલો ઉભા કર્યા છે. યુએસ એરફોર્સનું એક F-35 જેટ અલાસ્કામાં રનવે પર ક્રેશ થયું, જેનું કારણ હાઇડ્રોલિક સિસ્ટમમાં બરફનું નિર્માણ હોવાનું જાણવા મળ્યું.
Alaska Plane Crash: નોંધનીય છે કે આ ઘટનામાં પાયલટે વિમાનને બચાવવા 50 મિનિટ સુધી લોકહીડ માર્ટિનના પાંચ એન્જિનિયરો સાથે હવામાં કોન્ફરન્સ કોલ દ્વારા સમસ્યા હલ કરવાનો પ્રયાસ કર્યો, પરંતુ તે નિષ્ફળ ગયો. ઉડાન દરમિયાન લેન્ડિંગ ગિયર જામ થઈ ગયું, કારણ કે હાઇડ્રોલિક પ્રવાહીમાં એક તૃતીયાંશ પાણી -18 ડિગ્રી સેલ્સિયસની ઠંડીમાં થીજી ગયું હતું.
JUST IN: F-35 fighter jet crashes at Eielson Air Force Base in Alaska. The pilot survived pic.twitter.com/zEuPNY8jqk
— BNO News (@BNONews) January 29, 2025
પાયલટે ગિયરને પાછું ખેંચવા અને ફરીથી નીચે લાવવાના પ્રયાસો કર્યા, પરંતુ સેન્સરે ખોટો સંકેત આપ્યો કે વિમાન જમીન પર ઉતરી ગયું છે, જેનાથી જેટ બેકાબૂ બન્યું. બે ‘ટચ એન્ડ ગો’ લેન્ડિંગના પ્રયાસો પણ નિષ્ફળ ગયા, અને આખરે પાયલટે પેરાશૂટની મદદથી કૂદકો મારવો પડ્યો. ક્રેશ પછી જેટ રનવે પર પડી સળગવા લાગ્યું, જેનો વીડિયો સોશિયલ મીડિયા પર વાયરલ થયો. તપાસમાં જાણવા મળ્યું કે ખરાબ નિર્ણયો અને હાઇડ્રોલિક સામગ્રીના સંચાલનમાં બેદરકારી આ અકસ્માતનું મુખ્ય કારણ હતું. આશ્ચર્યજનક રીતે, નવ દિવસ પછી તે જ બેઝ પર બીજા F-35 જેટમાં પણ ‘હાઇડ્રોલિક આઈસિંગ’ની સમસ્યા જોવા મળી, જોકે તે સુરક્ષિત ઉતર્યું. આ ઘટનાઓએ F-35ની વિશ્વસનીયતા પર સવાલો ઉભા કર્યા છે.
