બોકારો- દિવાળીની ઉજવણી વચ્ચે ઘણા રાજ્યોમાંથી ખરાબ સમાચાર આવ્યા છે. ઝારખંડના બોકારોમાં ફટાકડાની દુકાનોમાં આગ લાગવાની ઘના સામે આવી છે. રાષ્ટ્રીય રાજધાની દિલ્હીના દ્વારકામાં ફટાકડા ફોડવાને કારણે બસમાં આગ લાગતાં બે લોકો દાઝી ગયા હતા. તે જ સમયે, આંધ્ર પ્રદેશના એલુરુ શહેરમાં વિસ્ફોટને કારણે ફટાકડાથી ભરેલા ટુ-વ્હીલર પર સવાર એક વ્યક્તિનું મૃત્યુ થયું હતું.
ફટાકડાની 66 દુકાનો બળીને રાખ
ઝારખંડના બોકારો સ્ટીલ સિટી પોલીસ સ્ટેશન વિસ્તારમાં ગરગા બ્રિજ પાસે ફટાકડાની દુકાનો બળીને રાખ થઈ ગઈ હતી. આગ એટલી ગંભીર હતી કે થોડી જ વારમાં 66 દુકાનો બળીને રાખ થઈ ગઈ હતી. જિલ્લા પ્રશાસને આ દુકાનદારોને અસ્થાયી ધોરણે ફટાકડાની દુકાનો ખોલવાની પરવાનગી આપી હતી. આગ પર કાબુ મેળવી લેવામાં આવ્યો છે અને મામલાની તપાસ કરવામાં આવી રહી છે. દુકાનદારોએ દાવો કર્યો હતો કે આ ઘટનામાં તેમને મોટું નુકસાન થયું છે. તેમણે વહીવટીતંત્ર પાસેથી નુકસાન માટે વળતરની માંગ કરી હતી. ઘટના બાદ બોકારોના બીજેપી ધારાસભ્ય બિરાંચી નારાયણ ઘટના સ્થળે પહોંચ્યા અને કહ્યું કે જો જિલ્લા વહીવટીતંત્ર અને ફાયર વિભાગ સક્રિય હોત તો આવી ઘટના ન બની હોત.
ફટાકડા ફોડવાથી 2 લોકો દાઝી ગયા
દિવાળીના અવસર પર, દિલ્હીના દ્વારકાના છાવલા વિસ્તારમાં એક વ્યક્તિ બસમાં ફટાકડા લઈ રહ્યો હતો, ત્યારે તેમાં આગ લાગી અને તે અને તેની બાજુમાં બેઠેલા અન્ય મુસાફર દાઝી ગયા. ઘટનાની જાણ થતા પોલીસ કાફલો ઘટના સ્થળે પહોંચી ગયો હતો. અધિકારીએ જણાવ્યું કે પૂછપરછ દરમિયાન જાણવા મળ્યું કે તે વ્યક્તિ થોડી માત્રામાં ફટાકડા લઈને જઈ રહ્યો હતો, જેના કારણે બસમાં આગ લાગી હતી, જેના કારણે તે અને તેની બાજુમાં બેઠેલા સહ-મુસાફર દાઝી ગયા હતા. તેમણે કહ્યું કે હજુ સુધી બ્લાસ્ટ જેવું કંઈ સામે આવ્યું નથી. અધિકારીએ જણાવ્યું કે બંનેને હોસ્પિટલમાં લઈ જવામાં આવ્યા છે અને આ અંગે વધુ તપાસ કરવામાં આવી રહી છે.
આ પણ વાંચો – ઈરાન 4 હજાર મિસાઈલોથી કરી શકે છે ઈઝરાયેલ પર મોટો હુમલો, અમેરિકાને મળી ગુપ્ત માહિતી!
