Budget 2026: નાણામંત્રી નિર્મલા સીતારમણે આજના બજેટમાં મહિલાઓને આર્થિક રીતે આત્મનિર્ભર બનાવવા માટે એક ખૂબ જ મહત્વની જાહેરાત કરી છે. ગત વર્ષની સફળ ‘લખપતિ દીદી’ યોજનાને આગળ ધપાવતા, સરકારે હવે ‘સી-માર્ટ’ (C-Mart) યોજનાની શરૂઆત કરવાની જાહેરાત કરી છે.
Budget 2026: શું છે ‘સી-માર્ટ’ યોજના અને તેના ફાયદા?
આ યોજના ખાસ કરીને એ મહિલાઓ માટે છે જેઓ પોતાનો નાનો-મોટો વ્યવસાય શરૂ કરવા અથવા તેને વિસ્તારવા માંગે છે. તેના મુખ્ય ફાયદા નીચે મુજબ છે:
બિઝનેસ સ્ટેબિલિટી: મહિલાઓને તેમના વ્યવસાયને સ્થિર (Establish) કરવા માટે સરકાર તરફથી મોટો સપોર્ટ મળશે.
સસ્તી લોન: આ યોજના હેઠળ મહિલાઓ પોતાના કારોબાર માટે અત્યંત ઓછા વ્યાજદરે લોન મેળવી શકશે.
માર્કેટિંગ સપોર્ટ: ‘સી-માર્ટ’ દ્વારા મહિલા ઉદ્યોગ સાહસિકોને તેમના ઉત્પાદનોના વેચાણ અને માર્કેટિંગ માટે પણ મદદ કરવામાં આવશે.
મહિલા સશક્તિકરણ પર ભાર
નાણામંત્રીએ સ્પષ્ટ કર્યું કે સરકારનું ફોકસ દેશની અડધી વસ્તીને અર્થતંત્રમાં સક્રિય ભાગીદાર બનાવવાનું છે. ‘લખપતિ દીદી’ યોજનાએ લાખો મહિલાઓના જીવનમાં પરિવર્તન આણ્યું છે અને હવે ‘સી-માર્ટ’ તે દિશામાં આગામી મોટું પગલું સાબિત થશે.
ગ્રામીણ અને શહેરી મહિલાઓ માટે આર્થિક સ્વતંત્રતાના નવા દ્વાર આ બજેટમાં જાહેર કરાયેલી ‘સી-માર્ટ’ યોજના માત્ર આર્થિક મદદ પૂરતી મર્યાદિત નથી, પરંતુ તે મહિલાઓના આત્મસન્માન અને સામાજિક દરજ્જાને વધારવાનું એક સશક્ત માધ્યમ બનશે. અત્યાર સુધી અનેક મહિલાઓ કૌશલ્ય હોવા છતાં યોગ્ય બજાર (Market) કે મૂડીના અભાવે પાછળ રહી જતી હતી, પરંતુ હવે સી-માર્ટના માધ્યમથી તેમના ઉત્પાદનોને રાષ્ટ્રીય સ્તરનું પ્લેટફોર્મ મળશે. નિષ્ણાતો માને છે કે ‘લખપતિ દીદી’ યોજનાએ જે રીતે ગ્રામીણ અર્થતંત્રમાં પ્રાણ ફૂંક્યા છે, તે જ રીતે ‘સી-માર્ટ’ શહેરી અને અર્ધ-શહેરી વિસ્તારોની કરોડો બહેનોને ‘ગૃહિણી’માંથી ‘બિઝનેસ વુમન’ બનાવવામાં પાયાનો પથ્થર સાબિત થશે.
આ પણ વાંચો: કન્ટેન્ટ ક્રિએટર્સની મોજ! 15,000 શાળાઓમાં ખુલશે ‘ક્રિએટર લેબ’, ગેમિંગ સેક્ટરમાં 10 લાખ નોકરીઓનું એલાન
