બજેટ 2026: નાણામંત્રી નિર્મલા સીતારમણે આજના બજેટમાં સામાન્ય જનતાના ખિસ્સાને રાહત આપતા અનેક મહત્વના એલાન કર્યા છે. સરકારે અનેક ક્ષેત્રોમાં કસ્ટમ ડ્યુટી (Customs Duty) ઘટાડવાનો નિર્ણય લીધો છે, જેને કારણે આરોગ્યથી લઈને મુસાફરી સુધીની વસ્તુઓ હવે સસ્તી થશે.
બજેટ 2026: કેન્સરના દર્દીઓ માટે મોટી રાહત
આજના બજેટની સૌથી મોટી માનવીય જાહેરાત આરોગ્ય ક્ષેત્રે કરવામાં આવી છે. સરકારે કેન્સરની 17 જીવરક્ષક દવાઓ પરની કસ્ટમ ડ્યુટી ઘટાડવાની જાહેરાત કરી છે. આ નિર્ણયથી કેન્સરની સારવારના ખર્ચમાં નોંધપાત્ર ઘટાડો થશે, જે હજારો પરિવારો માટે આશીર્વાદરૂપ સાબિત થશે.
મોબાઈલ અને ઈલેક્ટ્રોનિક્સ ક્ષેત્રે જાહેરાત
બેટરી સસ્તી થશે: ઈલેક્ટ્રિક વાહનો (EV) અને મોબાઈલ ફોનમાં વપરાતી લિથિયમ-આયન બેટરીના ઉત્પાદન માટે જરૂરી કાચા માલ પર કસ્ટમ ડ્યુટી ઘટાડવામાં આવી છે.
સ્માર્ટફોન: મોબાઈલ ફોન અને તેના સ્પેરપાર્ટ્સ સસ્તા થવાની પૂરેપૂરી સંભાવના છે, જેનાથી ડિજિટલ ઈન્ડિયાના અભિયાનને વેગ મળશે.
મુસાફરી અને ઉદ્યોગ જગત
એરલાઇન ફ્યુઅલ (ATF): વિમાનોના ઈંધણ (Aviation Turbine Fuel) પર ટેક્સ રાહત આપવામાં આવી છે, જેનાથી આગામી સમયમાં હવાઈ મુસાફરીના ભાડામાં ઘટાડો થઈ શકે છે.
સોલર પેનલ્સ: રિન્યુએબલ એનર્જીને પ્રોત્સાહન આપવા માટે સોલર પેનલના ઉત્પાદન સાથે જોડાયેલી વસ્તુઓ સસ્તી થશે.
બજેટ 2026: શું સસ્તું થશે? (એક નજરે)
કેન્સરની 17 દવાઓ (ખૂબ જ સસ્તી થશે)
લિથિયમ-આયન બેટરી (EV અને મોબાઈલ માટે)
મોબાઈલ ફોન અને ચાર્જર
સોલર એનર્જી સાધનો
વિમાનનું ઈંધણ (ATF)
કેન્સરના દર્દીઓ માટે સંજીવની સમાન રાહત
૧૭ દવાઓ પર કસ્ટમ ડ્યુટી નાબૂદ આજના બજેટમાં નાણામંત્રીએ અત્યંત સંવેદનશીલ નિર્ણય લેતા કેન્સરની સારવારમાં વપરાતી ૧૭ જીવરક્ષક દવાઓ પરની કસ્ટમ ડ્યુટી ઘટાડવાની અથવા સંપૂર્ણ નાબૂદ કરવાની જાહેરાત કરી છે. કેન્સર જેવી ગંભીર બીમારીની સારવાર અત્યંત ખર્ચાળ હોય છે, અને તેમાં વપરાતી ઈમ્પોર્ટેડ (આયાતી) દવાઓને કારણે સામાન્ય અને મધ્યમ વર્ગના પરિવારો પર આર્થિક બોજ વધી જતો હતો. સરકારના આ ઐતિહાસિક નિર્ણયથી કેન્સરની સારવારના ખર્ચમાં સીધો ઘટાડો થશે, જે હજારો દર્દીઓ માટે ‘સંજીવની’ સમાન સાબિત થશે. આરોગ્ય નિષ્ણાતો આ પગલાને દેશના હેલ્થકેર સેક્ટર માટે એક મોટો માઈલસ્ટોન ગણાવી રહ્યા છે, કારણ કે આનાથી ગંભીર બીમારીઓ સામે લડવા માટે સામાન્ય નાગરિકની આર્થિક શક્તિ વધશે.
આ પણ વાંચો: Budget 2026: મહિલાઓ માટે ખુશીના સમાચાર! ‘સી-માર્ટ’ યોજનાની જાહેરાત
