ભારતના આક્રમણ વલણથી પાકિસ્તાનમાં ખૌફ, ટ્રમ્પના શરણે પહોંચ્યા!

પાકિસ્તાનના સંરક્ષણ પ્રધાન ખ્વાજા આસિફે બ્રિટિશ ન્યૂઝ ચેનલ સાથેની વાતચીતમાં ભારતના આરોપોને નકારી કાઢ્યા અને હુમલાને “ભારતનું આંતરિક બળવો” ગણાવ્યો. તેમણે ભારત સાથે “ઓલ આઉટ વોર” (સંપૂર્ણ યુદ્ધ)ની શક્યતા વ્યક્ત કરી અને કહ્યું કે, “બે પરમાણુ શક્તિઓ વચ્ચેનો સંઘર્ષ વૈશ્વિક ચિંતાનો વિષય છે.” આસિફે અમેરિકાના રાષ્ટ્રપતિ ડોનાલ્ડ ટ્રમ્પને હસ્તક્ષેપ કરવાની અપીલ કરી અને ચેતવણી આપી કે, “ભારતની કોઈ પણ કાર્યવાહીનો પાકિસ્તાન યોગ્ય જવાબ આપશે.”

આસિફે દાવો કર્યો કે હુમલો “ફોલ્સ ફ્લેગ ઓપરેશન” હોઈ શકે છે અને ભારત પોતાના શહેરોમાં આતંકી હુમલાઓનું આયોજન કરી રહ્યું છે. તેમણે વાતચીત દ્વારા વિવાદનો ઉકેલ લાવવાની આશા વ્યક્ત કરી, પરંતુ સાથે જ ભારતની સંભવિત લશ્કરી કાર્યવાહીનો સામનો કરવા પાકિસ્તાનની તૈયારીની વાત પણ કરી.આ હુમલાને વિશ્વભરના નેતાઓએ વખોડ્યો છે. ફ્રાન્સના રાષ્ટ્રપતિ ઇમેન્યુઅલ મેક્રોન, ઇઝરાયેલના વડાપ્રધાન બેન્જામિન નેતન્યાહુ અને યુકેના પૂર્વ વડાપ્રધાન ઋષિ સુનકે હુમલાની નિંદા કરી અને ભારત પ્રત્યે સમર્થન વ્યક્ત કર્યું. સંયુક્ત રાષ્ટ્રના મહાસચિવ એન્ટોનિયો ગુટેરેસે બંને દેશોને “મહત્તમ સંયમ” રાખવા અપીલ કરી છે.