ઇરાને વિશ્વના પ્રખ્યાત પ્રવાસન સ્થળો અને પાર્ક પર મિસાઈલ હુમલાની આપી ચેતવણી

Iran Israel War 2026: મધ્ય પૂર્વમાં ચાલી રહેલા સંઘર્ષને ત્રણ અઠવાડિયા વીતી ગયા હોવા છતાં ઈરાન હજુ પણ મોટા પાયે મિસાઈલોનું ઉત્પાદન કરી રહ્યું હોવાના અહેવાલો સામે આવ્યા છે ઇઝરાયેલ અને અમેરિકા સાથેના યુદ્ધ વચ્ચે ઈરાને હવે તેના નિશાન બદલ્યા હોય તેવું લાગી રહ્યું છે ઈરાને ચેતવણી આપી છે કે તેના આગામી લક્ષ્યોમાં વિશ્વના કેટલાક લોકપ્રિય પ્રવાસન સ્થળોનો સમાવેશ થઈ શકે છે જેના કારણે વૈશ્વિક સ્તરે પ્રવાસીઓની સુરક્ષાને લઈને ચિંતા વધી ગઈ છે

Iran Israel War 2026: ત્રણ અઠવાડિયાના યુદ્ધ પછી પણ ઈરાનની સૈન્ય તૈયારીઓ યથાવત

અહેવાલો અનુસાર ઇઝરાયેલના સતત હુમલાઓ છતાં ઈરાનની મિસાઈલ બનાવવાની ક્ષમતામાં કોઈ મોટો ઘટાડો થયો નથી ઈરાન હજુ પણ દરરોજ નવી મિસાઈલો તૈયાર કરી રહ્યું છે અને તેને અલગ અલગ લોકેશન પર તૈનાત કરી રહ્યું છે અમેરિકી ગુપ્તચર એજન્સીઓના મતે ઈરાન આ મિસાઈલોનો ઉપયોગ પશ્ચિમી દેશોના હિતો અને તેમના મિત્ર દેશોના પ્રવાસન કેન્દ્રો પર કરવાના આયોજનમાં છે

વિશ્વના પ્રવાસન સ્થળો પર ખતરો

ઈરાને તેના તાજેતરના નિવેદનમાં સંકેત આપ્યો છે કે જો તેના પરના હુમલા બંધ નહીં થાય તો તે એવા સ્થળોને નિશાન બનાવશે જ્યાં પશ્ચિમી દેશોના નાગરિકો મોટી સંખ્યામાં એકઠા થાય છે આ યાદીમાં મધ્ય પૂર્વના દેશો ઉપરાંત યુરોપ અને એશિયાના કેટલાક પ્રખ્યાત પર્યટન સ્થળો પણ હોઈ શકે છે આ સમાચારને પગલે અનેક દેશોએ તેમના નાગરિકો માટે ટ્રાવેલ એડવાઈઝરી જારી કરી છે અને બિનજરૂરી મુસાફરી ટાળવા સૂચના આપી છે

વૈશ્વિક અર્થતંત્ર પર અસર

જો પ્રવાસન સ્થળો પર હુમલાની ધમકી સાચી સાબિત થાય તો તેની સીધી અસર વૈશ્વિક અર્થતંત્ર પર પડી શકે છે પ્રવાસન ઉદ્યોગ સાથે જોડાયેલા દેશો માટે આ મોટો ફટકો સાબિત થઈ શકે છે બીજી તરફ અમેરિકા અને ઇઝરાયેલ પણ ઈરાનના આ નવા ખતરાને પહોંચી વળવા માટે તેમની વ્યૂહરચના બદલી રહ્યા છે અને એર ડિફેન્સ સિસ્ટમને વધુ મજબૂત બનાવી રહ્યા છે.

આ પણ વાંચો: ઈઝરાયેલનો કેસ્પિયન સાગરમાં ઈરાની ઠેકાણાઓ પર ભીષણ હુમલો: પોર્ટ કમાન્ડ સેન્ટર તબાહ