કતારના એરબેઝ પર હુમલો : ઈરાને કતારના દોહામાં આવેલા યુએસ એરબેઝ અલ ઉદેદ એરને નિશાન બનાવ્યું છે. અહેવાલો અનુસાર, ઈરાને કતાર પર લગભગ 10 મિસાઈલ છોડી છે. ઈરાન દ્વારા કરવામાં આવેલા આ હુમલાથી સમગ્ર મધ્ય પૂર્વ ભયમાં છે. કતારમાં આવેલા યુએસ બેઝ પર હુમલો કરવામાં આવ્યો છે, પરંતુ નવ દેશોમાં સાયરન સંભળાયા છે. કતારની સાથે, સાઉદી અરેબિયા અને યુએઈએ પણ તેમના હવાઈ ક્ષેત્ર બંધ કરી દીધા છે.
સાઉદી અરેબિયા અને યુએઈ અમેરિકાના મોટા લશ્કરી મથકો છે, જે ઈરાનના આગામી મિસાઈલ હુમલાનું નિશાન બની શકે છે. અમેરિકા સાથે જોડાયેલા તમામ ગલ્ફ દેશો આ સમયે એલર્ટ પર છે. તે જ સમયે, ગલ્ફ દેશોના સંગઠન GCC એ કહ્યું છે કે કતારની સાર્વભૌમત્વનું ઉલ્લંઘન થયું છે. સાઉદી, કતાર અને યુએઈ સિવાય, બહેરીન, કુવૈતે પણ તેમના હવાઈ ક્ષેત્ર બંધ કરી દીધા છે.
આ હુમલા પછી, ઈરાની રાષ્ટ્રીય સુરક્ષા પરિષદે કહ્યું કે યુએસ બેઝ પરના હુમલાથી ‘મૈત્રીપૂર્ણ અને ભાઈચારો ધરાવતા કતાર’ માટે કોઈ ખતરો નથી. કતારે એક નિવેદનમાં જણાવ્યું હતું કે, “અમે ઈરાની રિવોલ્યુશનરી ગાર્ડ દ્વારા અલ-ઉદેદ એર બેઝ પર કરવામાં આવેલા હુમલાની સખત નિંદા કરીએ છીએ. અમે તેને કતાર રાજ્યની સાર્વભૌમત્વ, તેના હવાઈ ક્ષેત્ર, આંતરરાષ્ટ્રીય કાયદા અને સંયુક્ત રાષ્ટ્ર ચાર્ટરનું ઘોર ઉલ્લંઘન માનીએ છીએ. અમે સ્પષ્ટ કરીએ છીએ કે કતાર આ બેશરમ આક્રમણની પ્રકૃતિ અને સ્કેલ અનુસાર, આંતરરાષ્ટ્રીય કાયદા અનુસાર સીધો જવાબ આપવાનો અધિકાર રાખે છે.
હુમલા પછી IRGC એ શું કહ્યું?
ઈરાનના રિવોલ્યુશનરી ગાર્ડે કહ્યું કે તેણે કતારમાં યુએસ અલ-ઉદેદ બેઝ પર મિસાઈલ હુમલો કર્યો છે. તેમણે તેને ઈરાની પરમાણુ સુવિધાઓ પર વોશિંગ્ટનના હુમલાના જવાબ તરીકે પણ વર્ણવ્યું. એક નિવેદનમાં, IRGC એ ચેતવણી આપી હતી કે ઈરાનની સાર્વભૌમત્વ સામે ભવિષ્યમાં કોઈપણ આક્રમણને જવાબ આપ્યા વગર છોડવામાં આવશે નહીં.
આ પણ વાંચો- Israel-Iran War: ઈરાનના 6 એરપોર્ટ પર ઇઝરાયેલની એરસ્ટ્રાઇક,15 લશ્કરી વિમાનો અને હેલિકોપ્ટર તબાહ
