હાઈ બ્લડ પ્રેશર અને કોલેસ્ટ્રોલની સમસ્યા માટે વરદાન છે કલોંજી,જાણો તેના ફાયદા!

Kalonji benefits : આજના ઝડપી અને તણાવપૂર્ણ જીવનમાં હાઈ બ્લડ પ્રેશર (BP) અને વધેલું કોલેસ્ટ્રોલ ભારતમાં એક સામાન્ય જીવનશૈલીની બીમારી બની ગઈ છે. આંકડાઓ મુજબ દર વર્ષે લાખો લોકો હૃદય સંબંધિત બીમારીઓનો શિકાર બને છે. આધુનિક દવાઓની સાથે હવે લોકો ધીમે ધીમે પરંપરાગત અને આયુર્વેદિક ઉપચારો તરફ વળી રહ્યા છે. આવામાં આપણા રસોડામાં આસાનીથી મળી આવતો એક ખાસ મસાલો – ‘કલોંજી’ (Black Nigella seeds), હાર્ટ હેલ્થને સુધારવા માટે એક શક્તિશાળી કુદરતી વિકલ્પ તરીકે ઉભરી રહ્યો છે.

Kalonji benefits : નિષ્ણાતો અને તાજેતરના તબીબી અભ્યાસો અનુસાર, કલોંજી માત્ર ભોજનનો સ્વાદ જ નથી વધારતી, પરંતુ તેમાં રહેલા ઔષધીય ગુણો હૃદયની બીમારીઓનું જોખમ ઘટાડવામાં અત્યંત અસરકારક સાબિત થઈ રહ્યા છે. કલોંજીના આ નાના કાળા દાણાઓમાં રહેલા એન્ટીઑકિસડન્ટ અને બળતરા વિરોધી ગુણધર્મો રક્તવાહિનીઓને આરામ આપે છે અને ખરાબ કોલેસ્ટ્રોલને નળીઓમાં જામતું અટકાવે છે. ચાલો જાણીએ કે વિજ્ઞાન અને કાર્ડિયોલોજિસ્ટ કલોંજીના સ્વાસ્થ્ય લાભો વિશે શું કહે છે.

Kalonji benefits : કલોંજીના સ્વાસ્થ્યને લગતા મુખ્ય ફાયદાઓ:

‘થાઇમોક્વિનોન’ નો પાવર: કલોંજીમાં ‘થાઇમોક્વિનોન’ (Thymoquinone) નામનું એક શક્તિશાળી બાયોએક્ટિવ કમ્પાઉન્ડ જોવા મળે છે. આ એક ઉત્તમ એન્ટીઑકિસડન્ટ છે જે રક્તવાહિનીઓની બળતરા ઘટાડીને તેમને આરામ આપે છે.

બ્લડ પ્રેશરમાં ઘટાડો: 1,000 થી વધુ દર્દીઓ પર કરવામાં આવેલા ક્લિનિકલ ટ્રાયલ્સ દર્શાવે છે કે, દરરોજ લગભગ 500 મિલિગ્રામ કલોંજીનું સેવન કરવાથી સિસ્ટોલિક અને ડાયસ્ટોલિક બંને પ્રકારના બ્લડ પ્રેશરમાં 10 mmHg સુધીનો નોંધપાત્ર ઘટાડો જોવા મળ્યો છે.

કોલેસ્ટ્રોલ લેવલમાં સુધારો: અભ્યાસ મુજબ, કલોંજીનો નિયમિત ઉપયોગ ખરાબ કોલેસ્ટ્રોલ (LDL) ને 14 થી 15 mg/dL સુધી ઘટાડી શકે છે. એટલું જ નહીં, તે શરીરમાં રહેલા ‘ગુડ કોલેસ્ટ્રોલ’ (HDL) ને વધારવામાં પણ મદદરૂપ થાય છે.

હૃદયની નળીઓમાં બ્લોકેજ અટકાવે: ખરાબ કોલેસ્ટ્રોલ ઘટવાથી અને લિપિડ ઓક્સિડેશન અટકવાથી હૃદયની ધમનીઓમાં પ્લાક (કચરો) જમા થવાની પ્રક્રિયા ધીમી પડે છે, જે હાર્ટ એટેકનું જોખમ ઘટાડે છે.

ડોક્ટરની ચેતવણી: કાર્ડિયોલોજિસ્ટ ડૉ. રાજેશ કુમાર શર્મા સલાહ આપે છે કે કલોંજી એક ઉત્તમ કુદરતી સપોર્ટ છે, પરંતુ હૃદયના દર્દીઓએ ક્યારેય તેને ડૉક્ટર દ્વારા સૂચવવામાં આવેલી પ્રિસ્ક્રાઇબ્ડ દવાઓના ‘વિકલ્પ’ તરીકે લેવાની ભૂલ કરવી જોઈએ નહીં.

આ પણ વાંચો: Microsoft Glass Chip : માઈક્રોસોફ્ટે બનાવી એવી ‘ગ્લાસ ચિપ’ જે હજારો વર્ષો સુધી નહીં થાય ખરાબ”