હનુમાન જયંતીના પવિત્ર પર્વ નિમિત્તે કેસરા ગામમાં ભક્તિભાવ અને કોમી ભાઈચારાનો અદભુત સંગમ જોવા મળ્યો હતો. કેસરા બાલા હનુમાનજી મંદિર ખાતેથી એક વિશાળ અને ભવ્ય શોભાયાત્રાનું આયોજન કરવામાં આવ્યું હતું, જેણે સમગ્ર પંથકમાં હિન્દુ-મુસ્લિમ એકતાનો ઉત્તમ સંદેશ પૂરો પાડ્યો છે.
કેસરા 5 હજારથી વધુ હિન્દુ-મુસ્લિમ બિરાદરો જોડાયા
મનીષભાઈની આગેવાની અને માર્ગદર્શન હેઠળ આ ભવ્ય શોભાયાત્રા કાઢવામાં આવી હતી. આ કોઈ સામાન્ય ધાર્મિક યાત્રા ન હતી, પરંતુ તેમાં આશરે 5,000 થી વધુ હિન્દુ અને મુસ્લિમ ભાઈ-બહેનોએ એકસાથે ઉત્સાહભેર ભાગ લીધો હતો. આ યાત્રા સળંગ સાતમાં વર્ષે યોજાઈ હતી, જે ગામના લોકોના પરસ્પર પ્રેમ અને ભાઈચારાની સાક્ષી પૂરે છે.
મુસ્લિમ સેવા સમાજ દ્વારા ઉષ્માભર્યું સ્વાગત
આ યાત્રાનું સૌથી હૃદયસ્પર્શી દ્રશ્ય ત્યારે જોવા મળ્યું જ્યારે શોભાયાત્રા કેસરા ગામ ખાતે આવેલા ‘મધ્ય ગુજરાત મુસ્લિમ સેવા સમાજ’ ના કાર્યાલય પાસેથી પસાર થઈ. અહીં મુસ્લિમ સમાજના આગેવાનો અને સ્થાનિક રહીશો દ્વારા યાત્રાનું ફૂલોથી અને અત્યંત ઉષ્માભર્યું સ્વાગત કરવામાં આવ્યું હતું. બંને સમાજના લોકોએ સાથે મળીને ધાર્મિક ઉત્સવની ઉજવણી કરીને સામાજિક સમરસતાનું ઉત્કૃષ્ટ ઉદાહરણ પૂરું પાડ્યું હતું.
આ મહાનુભાવો રહ્યા ઉપસ્થિત
કોમી એકતાની આ શાનદાર ઉજવણીમાં બંને સમાજના અગ્રણીઓએ હાજરી આપી હતી. શોભાયાત્રાના સ્વાગત કાર્યક્રમમાં મધ્ય ગુજરાત મુસ્લિમ સેવા સમાજના પ્રમુખ કરીમભાઈ મલેક વિશેષ ઉપસ્થિત રહ્યા હતા.તેમની સાથે ઈસુબભાઈ મલેક, અડવાણી, મકસુદભાઈ, રઝાકભાઈ જીરાવાલા, હુમાયુભાઈ મલેક, ફરીદ ખાન પઠાણ, યુનુસભાઈ અને ઈમ્તિયાઝ મલેક સહિત ગામના મોટી સંખ્યામાં હિન્દુ-મુસ્લિમ ભાઈ-બહેનો હાજર રહ્યા હતા અને એકબીજાને પર્વની શુભેચ્છાઓ પાઠવી હતી.
નોંધનીય છે કે હનુમાન જયંતીના પવિત્ર પર્વ નિમિત્તે કેસરા ગામમાં ભક્તિભાવ અને કોમી ભાઈચારાનો અદભુત સંગમ જોવા મળ્યો હતો. કેસરા બાલા હનુમાનજી મંદિર ખાતેથી એક વિશાળ અને ભવ્ય શોભાયાત્રાનું આયોજન કરવામાં આવ્યું હતું, જેણે સમગ્ર પંથકમાં હિન્દુ-મુસ્લિમ એકતાનો ઉત્તમ સંદેશ પૂરો પાડ્યો છે.
આ પણ વાંચો: વાહનચાલકોને મોંઘવારીનો ડામ: અદાણી ગેસે CNG ના ભાવમાં કર્યો વધારો
