Mumbai on high alert: દેશની આર્થિક રાજધાની મુંબઈ ફરી એકવાર ખતરામાં છે. શુક્રવારે મુંબઈ પોલીસે જણાવ્યું કે શહેરમાં 34 ‘માનવ બોમ્બ’ દ્વારા 400 કિલો RDX વડે વિસ્ફોટ કરવાની ધમકી મળી છે. આ ધમકી લશ્કર-એ-જેહાદી નામના સંગઠનના નામે આવી છે, જેમાં દાવો કરવામાં આવ્યો છે કે આ વિસ્ફોટો ‘આખા શહેરને હચમચાવી નાખશે’ અને એક કરોડ લોકોનો જીવ લઈ શકે છે. આ ધમકી અનંત ચતુર્દશીના તહેવાર પહેલા મળી હોવાથી સુરક્ષા વ્યવસ્થા કડક કરવામાં આવી છે.
Mumbai on high alert અહેવાલ મુજબ, ફોન કરનારે દાવો કર્યો છે કે 34 વાહનોમાં માનવ બોમ્બ લગાવવામાં આવ્યા છે. મુંબઈ પોલીસે આ ધમકીને ગંભીરતાથી લઈને તપાસ શરૂ કરી છે અને શહેરમાં હાઈ એલર્ટ જાહેર કર્યું છે. 1993ના શ્રેણીબદ્ધ બોમ્બ વિસ્ફોટો, જેમાં 250થી વધુ લોકો માર્યા ગયા હતા, તેની યાદ આ ઘટનાએ તાજી કરી છે.
Mumbai on high alert બીજી તરફ, મહારાષ્ટ્રના થાણે જિલ્લામાં સોમવારે એક 43 વર્ષીય વ્યક્તિ રૂપેશ મધુકર રણપીસેની કાલવા રેલવે સ્ટેશનને બોમ્બથી ઉડાવી દેવાની ધમકી આપવા બદલ ધરપકડ કરવામાં આવી હતી. સરકારી રેલવે પોલીસે જણાવ્યું કે રવિવારે સાંજે 4 વાગ્યે આરોપીએ પોલીસ હેલ્પલાઈન પર ફોન કરીને બોમ્બ મૂક્યો હોવાનો દાવો કર્યો હતો. જોકે, બોમ્બ સ્ક્વોડ અને રેલવે પ્રોટેક્શન ફોર્સના ડોગ સ્ક્વોડની સઘન તપાસ બાદ આ ધમકી ખોટી હોવાનું જણાયું.
મુંબઈ પોલીસ અને સુરક્ષા એજન્સીઓ હાલ સંપૂર્ણ સતર્કતા સાથે કામ કરી રહી છે. નાગરિકોને સાવચેત રહેવા અને કોઈપણ શંકાસ્પદ ગતિવિધિની જાણ તાત્કાલિક પોલીસને કરવા અપીલ કરવામાં આવી છે.
