નકલી ટીટી – રાજ્યમાં સમયાંતરે નકલી લોકો ઝડપાતા રહે છે. તાજેતરમાં અમદાવાદના કાલુપુર રેલવે સ્ટેશન પર રેલવે પ્રોટેક્શન ફોર્સ (RPF) દ્વારા શિવશંકર જેસવાલ નામના નકલી ટીટીની ધરપકડ કરવામાં આવી. આ શખ્સ ટિકિટ ચેકિંગના બહાને મજૂરો પાસેથી રૂપિયા વસૂલતો હતો. આ ઘટનાએ મુસાફરોમાં સાવચેતી રાખવાની જરૂરિયાત ઉભી કરી છે.
અસલી ટીટીને કેવી રીતે ઓળખશો?
નકલી ટીટી – નકલી ટીટીથી બચવા માટે નીચેના મુદ્દાઓ ધ્યાનમાં રાખો:
યુનિફોર્મ: અસલી ટીટી હંમેશા નિર્ધારિત યુનિફોર્મમાં હોય છે, જેમાં તેમનું નામ અને હોદ્દો દર્શાવેલ હોય.
આઈડી કાર્ડ: દરેક અસલી ટીટી પાસે સરકારી ઓળખપત્ર હોય છે. શંકા હોય તો તેમને આઈડી કાર્ડ બતાવવાનું કહો.
રસીદ: ટ્રેનમાં દંડ કે ટિકિટની રકમ ચૂકવતા પહેલાં સત્તાવાર રસીદની માગણી કરો. રસીદ વિના કોઈ ચુકવણી ન કરો.
નકલી ટીટી ખબર પડે તો શું કરવું?
તાત્કાલિક જાણ કરો: શંકાસ્પદ ટીટી વિશે તરત જ રેલવે પોલીસ, ટ્રેનના ગાર્ડ અથવા RPFને જાણ કરો.
સાબિતી રાખો: શક્ય હોય તો, શંકાસ્પદ વ્યક્તિનો ફોટો લો અથવા અન્ય સાબિતી એકઠી કરો.
ઓનલાઈન ફરિયાદ: રેલવેની હેલ્પલાઈન નંબર 139 પર ફોન કરો અથવા રેલવેની સત્તાવાર વેબસાઈટ પર ફરિયાદ નોંધાવો.
મુસાફરો માટે સલાહ
મુસાફરોએ હંમેશા સાવધાની રાખવી જોઈએ અને ટિકિટ ચેકિંગ દરમિયાન ટીટીની ઓળખ ચકાસવી જોઈએ. નકલી ટીટીના હાથે છેતરાવાથી બચવા માટે જાગૃતિ અને તકેદારી ખૂબ જ જરૂરી છે.
આ પણ વાંચો – યુક્રેને 1100 KG વિસ્ફોટકથી રશિયાનો ક્રિમીયા બ્રિજ ઉડાવ્યો
