સુપરસ્ટાર Rajinikanth ફરી એકવાર ફિલ્મ ‘કૂલી’ સાથે મોટા પડદા પર પાછા ફરી રહ્યા છે. આ ફિલ્મને લઈને દર્શકોમાં ઘણો ક્રેઝ છે, જે સીધી રીતે શરૂઆતના બોક્સ ઓફિસના આંકડાઓમાં પ્રતિબિંબિત થાય છે. ‘કૂલી’ રિલીઝ થાય તે પહેલાં જ ઉત્તર અમેરિકાના બોક્સ ઓફિસ પર ધૂમ મચાવી ચૂકી છે.
Rajinikanth ની કુલી ફિલ્મે પ્રીમિયર શોના એડવાન્સ બુકિંગથી ₹૧૨.૪૨ કરોડ (૧.૪૨ મિલિયન ડોલર) ની જબરદસ્ત કમાણી કરી છે. આ આંકડામાં અમેરિકા અને કેનેડા બંનેમાંથી બુકિંગનો સમાવેશ થાય છે. તે જ સમયે, ઋત્વિક રોશન અને જુનિયર એનટીઆરની ફિલ્મ ‘વોર ૨’ અત્યાર સુધીમાં માત્ર ₹૨.૬૯ કરોડ (૩૦૮,૦૦૦ ડોલર) સુધી પહોંચી છે. એટલે કે ‘કૂલી’એ લગભગ ૪.૬ ગણી વધુ કમાણી કરી છે.
Rajinikanth ‘ કૂલી’ની ટિકિટ ઝડપથી વેચાઈ રહી છે
એકલા અમેરિકામાં ‘કૂલી’ની ૪૮,૦૦૦ થી વધુ ટિકિટ વેચાઈ છે, જ્યારે કેનેડામાં ૭૦૦૦ થી વધુ ટિકિટ વેચાઈ છે. તેની સરખામણીમાં, ‘વોર 2’ ની અમેરિકામાં અત્યાર સુધી માત્ર 10,651 ટિકિટો વેચાઈ છે.
રજનીકાંતનું સ્ટારડમ
સુપરસ્ટાર Rajinikanth ના સ્ટારડમને કારણે ‘કૂલી’ ને શાનદાર શરૂઆત મળી છે. આ ફિલ્મનું દિગ્દર્શન લોકેશ કનાગરાજ દ્વારા કરવામાં આવ્યું છે, જે પોતે એક મોટું અને લોકપ્રિય નામ છે. તે જ સમયે, નાગાર્જુન, ઉપેન્દ્ર, સત્યરાજ, શોબિન શાહિર, આમિર ખાન અને શ્રુતિ હાસન જેવા મોટા સુપરસ્ટાર ‘કૂલી’માં જોવા મળશે. આ ફિલ્મ 2025 ની અત્યાર સુધીની સૌથી મોટી ઓપનિંગ એડવાન્સ બુકિંગ ભારતીય ફિલ્મોમાંની એક બની ગઈ છે.
‘વોર 2’ સાથે સ્પર્ધા
કૂલી ‘વોર 2’ સાથે ટકરાશે. ઋત્વિક રોશન, જુનિયર NTR અને કિયારા અડવાણી જેવા સ્ટાર્સ ‘વોર 2’ ને સફળ બનાવવાની રેસમાં છે. બંને ફિલ્મો 14 ઓગસ્ટે સિનેમાઘરોમાં રિલીઝ થશે.
આ પણ વાંચો: ગુજરાતમાં કુપોષણની ગંભીર સ્થિતિ: સરકારના કરોડોના ખર્ચ છતાં આદિવાસી બાળકો કુપોષિત
