થાઇરોડઇડની દવાને લઇને નવા સંશોધનમાં થયો ચિંતાજનક ખુલાસો, જાણો

થાઇરોઇડ હોર્મોન્સ સંબંધિત રોગ છે, જેની સારવાર અલગ-અલગ દવાઓથી કરવામાં આવે છે. જ્યારે થાઇરોઇડ ગ્રંથિ ઓછી સક્રિય બને છે, ત્યારે હાઇપોથાઇરોડિઝમની સ્થિતિ ઊભી થાય છે. તેનાથી વિપરિત, જ્યારે થાઇરોઇડ ગ્રંથિ અતિશય સક્રિય બને છે, ત્યારે આ સ્થિતિને હાઇપરથાઇરોઇડિઝમ કહેવામાં આવે છે. બંને પરિસ્થિતિઓ લોકોને ખરાબ રીતે અસર કરે છે. આખી દુનિયામાં કરોડો લોકો થાઈરોઈડથી ઝઝૂમી રહ્યા છે અને તેમને દરરોજ દવાઓ લેવી પડે છે. આ દવાઓ માત્ર ડૉક્ટરની સલાહ પર જ લેવામાં આવે છે, પરંતુ એક નવા સંશોધનમાં થાઈરોઈડની દવા વિશે ખૂબ જ આશ્ચર્યજનક વાત સામે આવી છે. એવું જાણવા મળ્યું છે કે થાઇરોઇડની દવા હાડકાંને નબળા બનાવી શકે છે.

તાજેતરમાં થયેલા એક સંશોધનમાં જાણવા મળ્યું છે કે હાઇપોથાઇરોડિઝમ માટે આપવામાં આવતી દવા લેવોથાઇરોક્સિન હાડકાંના નબળા પડવાનું જોખમ વધારી શકે છે. અમેરિકામાં વૃદ્ધો માટે લેવોથાઇરોક્સિન એ બીજી સૌથી વધુ નિયત દવા છે. આ દવા થાઇરોઇડની કામગીરીને ઠીક કરવા માટે આપવામાં આવે છે. જોન્સ હોપકિન્સ યુનિવર્સિટીના વૈજ્ઞાનિકોએ આ અભ્યાસ કર્યો છે. એવું જાણવા મળ્યું છે કે લેવોથાયરોક્સિનનો ઉપયોગ કરવાથી હાડકાંને નુકસાન થાય છે.

આ અભ્યાસમાં 65 વર્ષ અને તેથી વધુ ઉંમરના વૃદ્ધ લોકોનો સમાવેશ થાય છે, જેઓ સામાન્ય થાઇરોઇડ સ્તર ધરાવતા હતા, પરંતુ તેઓ હજુ પણ લેવોથાઇરોક્સિન લેતા હતા. સંશોધકોએ લેવોથાયરોક્સિનનો ઉપયોગ કરતા વૃદ્ધોમાં હાડકાંના જથ્થા અને હાડકાની ઘનતામાં ઘટાડો જોયો હતો. 6.3 વર્ષના સરેરાશ ફોલો-અપ પછી, અભ્યાસમાં જાણવા મળ્યું છે કે જે લોકોએ લેવોથાયરોક્સિન લીધું હતું તેઓને હાડકાના નુકશાનનું જોખમ અન્ય લોકો કરતા વધારે હતું.

આ સંશોધનનો મુખ્ય ઉદ્દેશ્ય એ સમજવાનો હતો કે શું લેવોથાઇરોક્સિન અને સામાન્ય થાઇરોઇડનું સ્તર પણ હાડકાને નુકશાનનું કારણ બની શકે છે. જોન્સ હોપકિન્સ ડોકટરો ભારપૂર્વક જણાવે છે કે લેવોથાઇરોક્સિન લેતા દર્દીઓએ તેમના થાઇરોઇડની નિયમિત તપાસ કરવી જોઈએ અને દવાના ફાયદા અને આડઅસરોનું મૂલ્યાંકન કરવું જોઈએ. તેઓએ તેમની દવાઓ વિશે ડૉક્ટર સાથે ચર્ચા કરવી જોઈએ અને હાડકાના સ્વાસ્થ્ય પર ધ્યાન આપવું જોઈએ. આ અભ્યાસ દર્શાવે છે કે જો કોઈ વ્યક્તિને લેવોથાયરોક્સિન આપવામાં આવે છે, તો તેણે હાડકાના સ્વાસ્થ્ય પર વિશેષ ધ્યાન આપવું જોઈએ.

 

આ પણ વાંચો – ઔષધીય ગુણોથી ભરપૂર છે કાચી હળદર,કેન્સર સહિતની બિમારીઓ માટે છે વરદાન

Leave a Reply

Your email address will not be published. Required fields are marked *