અમેરિકાના જ્યોર્જિયામાં એક આર્મી બેઝ પર ગોળીબાર થયો છે. આ ગોળીબારની ઘટનામાં પાંચ સૈનિકોને ગોળી વાગી છે. ફોર્ટ સ્ટુઅર્ટે જણાવ્યું હતું કે 2જી આર્મર્ડ બ્રિગેડ કોમ્બેટ ટીમ વિસ્તારમાં ગોળીબારના સમાચાર યુએસ સમય મુજબ સવારે 10:56 વાગ્યે મળ્યા હતા અને 11:35 વાગ્યે એક શંકાસ્પદ વ્યક્તિની ધરપકડ કરવામાં આવી હતી.
જોકે, બેઝ દ્વારા જારી કરાયેલા એક નિવેદનમાં કહેવામાં આવ્યું છે કે હવે કોઈ સક્રિય ખતરો નથી. ઘાયલ સૈનિકોને હોસ્પિટલમાં દાખલ કરવામાં આવ્યા છે. હોસ્પિટલના અધિકારીઓએ એબીસી ન્યૂઝને જણાવ્યું હતું કે તેમની હાલત હજુ પણ ગંભીર છે, બે પીડિતોને સવાનાહના મેમોરિયલ હેલ્થ યુનિવર્સિટી મેડિકલ સેન્ટરમાં ખસેડવામાં આવ્યા છે, જેમાંથી એક ટ્રોમા સેન્ટરમાં છે.
#BREAKING #UPDATE (Young Cadet soldier had a argument with higher ups,possibly regarding “leave” time or denial of some sort kind of conflict) 🚨
Active Shooter Detained
5 Soldiers Shot – Some fatal
–Gunfire erupted at Fort Stewart in Georgia on Wednesday morning,… pic.twitter.com/KKIz7zs529
— MəanL¡LMə♡₩ (@MeanLILMeoW) August 6, 2025
ટ્રમ્પને ઘટના વિશે જાણ કરવામાં આવી હતી
જ્યોર્જિયાના ગવર્નર બ્રાયન કેમ્પે ઘટના પર શોક વ્યક્ત કર્યો છે અને પીડિતોની સ્થિતિમાં સુધારો થાય તે માટે પ્રાર્થના કરી છે. વ્હાઇટ હાઉસના પ્રેસ સેક્રેટરી કેરોલિના લેવિટના જણાવ્યા અનુસાર, રાષ્ટ્રપતિ ડોનાલ્ડ ટ્રમ્પને ગોળીબાર વિશે જાણ કરવામાં આવી છે.
યુએસ એટર્ની જનરલ પામ બોન્ડીએ એક X પોસ્ટમાં જણાવ્યું હતું કે ફોર્ટ સ્ટુઅર્ટ હન્ટર આર્મી એરફિલ્ડ પર ગોળીબાર બાદ ફેડરલ કાયદા અમલીકરણ એજન્ટો જ્યોર્જિયામાં સક્રિય છે. બોન્ડીએ ઉમેર્યું, “હું બધા પીડિતો અને બેઝ પરના આપણા સૈનિકો માટે પ્રાર્થના કરું છું.” ગૃહ સુરક્ષા વિભાગના સચિવ ક્રિસ્ટી નોએમના જણાવ્યા અનુસાર, ગૃહ સુરક્ષા વિભાગ પણ પરિસ્થિતિ પર નજર રાખી રહ્યું છે.
