સુરત ભાજપ મહિલા નેતા દીપિકા પટેલના આપઘાતનો મામલો ચર્ચાનો વિષય બન્યો છે. આ ઘટના 1 ડિસેમ્બર 2024ના રોજ સુરતના ભીમરાડ ગામમાં બની હતી, જ્યાં દીપિકા પટેલે પોતાના ઘરમાં ગળે ફાંસો ખાઈને આપઘાત કરી લીધો. તેની મોતની આગવી વાત એ છે કે, આ ઘટના પાછળ અનેક સવાલો ઊભા થયા છે, જેમાં પરિવાર, પોલીસ અને કોર્પોરેટર ચિરાગ સોલંકી વચ્ચે સંલગ્નતા પણ ચર્ચા થતી જોવા મળી છે.
ભાજપ મહિલા નેતા -ફોરેન્સિક પોસ્ટમોર્ટમ દ્વારા આપઘાતની પુષ્ટિ કરવામાં આવી છે, પરંતુ કેટલાક મુખ્ય પ્રશ્નો હજુ બાકી છે. પોલીસના નિવેદનમાં આ બાબત બહાર આવી છે કે, દીપિકાએ આપઘાત કરવાનું જાહેર કરી, છેલ્લી કોલ ચિરાગ સોલંકી ને કરી હતી. તેણે ચિરાગને જણાવ્યું હતું કે તે ખૂબ જ તણાવમાં છે અને આપઘાત કરવાની યોજના બનાવી રહી છે. ત્યારબાદ ચિરાગે દીપિકા સાથે સંપર્ક કરવાનો પ્રયાસ કર્યો, પરંતુ તે ફોનનો જવાબ નહોતી આપતી. આ પછી, ચિરાગે દીપિકાના પુત્રને કોલ કરીને સ્થિતિ જાણવાની કોશિશ કરી. દીપિકા દ્વારા રૂમ અંદરથી બંધ કરવો અને ખોલવા પર ન આવવાની માહિતી મળતાં, ચિરાગ તરત જ દીપિકાના ઘરે દોડી ગયો.
જ્યારે ચિરાગ ઘરે પહોંચ્યો, ત્યારે તેણે રૂમનો દરવાજો તોડીને અંદર પ્રવેશ કર્યો. દીપિકા લટકી રહી હતી, અને તે ગળે દુપટ્ટો બાંધીને આપઘાત કરી રહી હતી. ચિરાગે તેને લટકતી હાલતમાંથી નીચે ઉતારી હતી અને પછી દુપટ્ટો કબાટમાં મૂકી દીધો હતો. એ પછી ડોકટરોને બોલાવવામાં આવ્યા અને ડોક્ટરોને બતાવ્યા વિના, દીપિકાને તાત્કાલિક સિવિલ હોસ્પિટલ લઈ જવામાં આવી હતી, જ્યાં તેનું મૃત્યુ જાહેર કરવામાં આવ્યું.
દીપિકાના પતિ નરેશ પટેલના જણાવ્યા અનુસાર, ચિરાગ સોલંકી સાથે તેમના સંબંધો લાંબા સમયથી હતા. દીપિકા ચિરાગને ભાઈ માનતી હતી, અને તેના સંતાનો તેને મામા કહેતા હતા. પરંતુ દીપિકા ના આપઘાત પછી, સગાંસંબંધીઓ અને ગામના લોકોએ ચિરાગ વિરુદ્ધ અનેક આક્ષેપો કર્યા છે, જોકે પતિ દ્વારા કોઈ આક્ષેપ કરાયા નથી.
પોલીસ દ્વારા તટસ્થ તપાસ શરૂ કરવામાં આવી છે, અને તેમાંથી વધુ જાણવા માટે કોલ ડિટેઈલ્સ, CDR અને FSL તપાસનો સમાવેશ થાય છે. આ કેસમાં ચિરાગ સોલંકી અને તેના નિવેદનો અંગે વધુ તપાસ ચાલી રહી છે. પોલીસની પુછપરછમાં, ચિરાગે દાવો કર્યો કે તેણે દીપિકા આપઘાત ના કરે તે માટે તાત્કાલિક તેની મદદ કરવા ઘરમાં પહોંચ્યો હતો.દીપિકા પટેલના આપઘાતનો કિસ્સો હવે પોલીસ અને માધ્યમોમાં ચર્ચાનો વિષય બની ગયો છે, અને તટસ્થ તપાસની માંગ પણ વધી રહી છે.
આ પણ વાંચો- વિક્રાંત મેસી પહેલા આ 5 સ્ટાર્સે ઇન્ડસ્ટ્રી છોડવાનો લીધો હતો નિર્ણય,જાણો
