Gujarat Cabinet Expansion: ગુજરાતમાં આજે મુખ્યમંત્રી ભૂપેન્દ્ર પટેલ (Bhupendra Patel) ના નેતૃત્વ હેઠળ નવા મંત્રીમંડળનું વિસ્તરણ કરવામાં આવ્યું હતું. મંત્રીમંડળમાં મુખ્યમંત્રી સહિત કુલ 26 સભ્યોને સ્થાન મળ્યું છે. આ વિસ્તરણમાં 9 મંત્રીઓ કેબિનેટ કક્ષાના, 3 મંત્રીઓ રાજ્યકક્ષાના સ્વતંત્ર હવાલાવાળા અને 13 મંત્રીઓ રાજ્યકક્ષાના મંત્રી તરીકે શપથ લીધા હતા.
Gujarat Cabinet Expansion: આ નવા મંત્રીમંડળમાં સૌથી મોટો અને આકર્ષક બદલાવ યુવા નેતા હર્ષ સંઘવી (Harsh Sanghavi) ને લઈને આવ્યો છે, જેમણે રાજ્યના નાયબ મુખ્યમંત્રી (Deputy CM) તરીકે શપથ લીધા છે. ઋષિકેશ પટેલ, જીતુ વાઘાણી, કનુભાઈ દેસાઈ, કુંવરજી બાવળીયા, નરેશ પટેલ, અર્જુન મોઢવાડિયા, પ્રદ્યુમન વાજા અને રમણ સોલંકીએ કેબિનેટ મંત્રી તરીકે શપથ લીધા. આ અનુભવી નેતાઓનો સમાવેશ કરીને ભાજપે શાસનમાં સ્થિરતા જાળવવાનો પ્રયાસ કર્યો છે. મનીષા વકીલ, પ્રફુલ પાનસેરિયા અને ઈશ્વરસિંહ પટેલને રાજ્યકક્ષાના સ્વતંત્ર હવાલાવાળા મંત્રી તરીકેની જવાબદારી સોંપાઈ છે.
Gujarat Cabinet Expansion: રાજ્યકક્ષાના અન્ય મંત્રીઓમાં પરસોત્તમ સોલંકી, કાંતિ અમૃતિયા, રમેશ કટારા, દર્શના વાઘેલા (Darshana Vaghela), પ્રવીણ માળી, સ્વરૂપ ઠાકોર, જયરામ ગામીત, રીવાબા જાડેજા (Rivaba Jadeja), પી.સી. બરંડા, સંજય મહિડા, કમલેશ પટેલ, ત્રિકમ છાંગા અને કૌશિક વેકરિયાનો સમાવેશ થાય છે. આ વિસ્તરણ દ્વારા વિવિધ ક્ષેત્રો અને સમુદાયોને પ્રતિનિધિત્વ આપવાનો પ્રયાસ કરવામાં આવ્યો છે. ખાસ કરીને, દર્શના વાઘેલાને સ્થાન આપીને અમદાવાદ શહેરને પણ મંત્રીમંડળમાં પ્રતિનિધિત્વ મળ્યું છે.
ભારતીય જનતા પાર્ટી (BJP) એ આ નવા મંત્રીમંડળની રચનામાં જ્ઞાતિ (Caste) અને ઝોન (Zone) નું સંતુલન જાળવવાનો સ્પષ્ટ પ્રયાસ કર્યો છે. ઝોન વાઈસ વિતરણ પર નજર કરીએ તો, સૌરાષ્ટ્ર-કચ્છ (Saurashtra-Kutch) માંથી સૌથી વધુ 9 મંત્રીઓ, મધ્ય ગુજરાતમાંથી 6 મંત્રીઓ, ઉત્તર ગુજરાતમાંથી 5 મંત્રીઓ અને દક્ષિણ ગુજરાતમાંથી 4 મંત્રીઓને સ્થાન મળ્યું છે. આ ભૌગોલિક સંતુલન આગામી રાજકીય પડકારો અને ચૂંટણીલક્ષી રણનીતિને પ્રતિબિંબિત કરે છે.
