ICR service launched : દૂરસંચાર વિભાગે દેશમાં ઇન્ટ્રા સર્કલ રોમિંગ (ICR) સુવિધા શરૂ કરી છે. આ સેવા ટેલિકોમ્યુનિકેશન સેવા પ્રદાતાઓને દેશમાં સરકારી ભંડોળવાળા મોબાઇલ ટાવર પર ઇન્ફ્રાસ્ટ્રક્ચર શેર કરવાની મંજૂરી આપે છે. આનો અર્થ એ થયો કે Jio, Airtel અને BSNL વપરાશકર્તાઓ કોઈપણ 4G નેટવર્કને ઍક્સેસ કરી શકશે અને તેમના પોતાના સેલ્યુલર ટાવરની રેન્જમાં ન હોય ત્યારે પણ કૉલ કરી શકશે. આ સેવા એક જ DBN ફંડેડ ટાવરની મદદથી મેળવી શકાય છે.
ICR સુવિધા શું છે?
ICR service launched : સરળ શબ્દોમાં સમજીએ તો ધારો કે તમે Jio સિમનો ઉપયોગ કરો છો, પરંતુ તમે જે વિસ્તારમાં છો ત્યાં Jio નેટવર્ક ઉપલબ્ધ નથી, તો આવી સ્થિતિમાં તમે તે વિસ્તારમાં હાજર BSNL અથવા એરટેલ નેટવર્કનો ઉપયોગ કરી શકશો.
DBN સેવા શું છે?
DBN એ ડિજિટલ ઈન્ડિયા ફંડ છે, જેનો હેતુ ભારતમાં ટેલિકોમ્યુનિકેશન સેવાઓની ગુણવત્તા અને ઍક્સેસને સુધારવાનો છે. તે ભારત સરકાર દ્વારા ટેલિકોમ્યુનિકેશન એક્ટ 2023 ના ભાગ રૂપે બનાવવામાં આવ્યું હતું, અને તે અગાઉ ભારતીય ટેલિગ્રાફ એક્ટ, 1885 હેઠળ યુનિવર્સલ સર્વિસ ઓબ્લિગેશન ફંડ (USOF) તરીકે ઓળખાતું હતું.
તમે કોઈપણ નેટવર્કથી કોલ કરી શકશો
ICR સુવિધાની જાહેરાત કેન્દ્રીય મંત્રી જ્યોતિરાદિત્ય સિંધિયા દ્વારા કરવામાં આવી હતી. તેમણે કહ્યું કે આ એક સહિયારી સેવા હશે, જેની મદદથી ત્રણ ટેલિકોમ ઓપરેટર્સ BSNL, Airtel અને Reliance ને ફાયદો થશે. આ સુવિધા હેઠળ, લગભગ 27,836 સાઇટ્સ સાથે કનેક્ટિવિટી ઓફર કરવામાં આવી રહી છે. તેનાથી દેશમાં ગ્રાહકોને કોલિંગની સ્વતંત્રતા મળશે.
તમને ઓછા ખર્ચે સારી સેવા મળશે
ICRની શરૂઆત ઘણી ઓછી કિંમતે સારી ગુણવત્તાની સેવા પૂરી પાડશે. આના માટે ઓછા સેલ ટાવર ઇન્સ્ટોલ કરવાની જરૂર પડશે. આ સાથે, વધુને વધુ લોકો 4G સેવાનો ઉપયોગ કરી શકશે. ડિપાર્ટમેન્ટ ઓફ ટેલિકોમ્યુનિકેશન્સ (DoT) ની સત્તાવાર જાહેરાત મુજબ, આ સેવા લગભગ 27,000 ટાવરથી 35,400 થી વધુ ગ્રામીણ અને દૂરના ગામડાઓને ઉત્તમ 4G કનેક્ટિવિટી પ્રદાન કરશે. ટેલિકોમ પ્રદાતાઓ ઓછા મોબાઈલ ટાવર લગાવીને વધુ સારી સેવા આપી શકશે.
આ પણ વાંચો- EPFO Rule: EPFOના નિયમો બદલાયા! હવે ઓફિસના ચક્કર ખતમ,ઓનલાઇન જાતે જ આ સુધારા કરી શકશો!
