Terrorist attack on Pakistani army camp -પાકિસ્તાનના ઉત્તર-પશ્ચિમ ખૈબર પખ્તુનખ્વા પ્રાંતના બન્નુ જિલ્લામાં મંગળવારે સાંજે એક મોટો આતંકવાદી હુમલો થયો. બે આત્મઘાતી હુમલાખોરોએ વિસ્ફોટકોથી ભરેલા વાહનોને આર્મી કેમ્પના દરવાજા સાથે અથડાવ્યા, જેના કારણે જોરદાર વિસ્ફોટ થયો. આ પછી, ઘણા આતંકવાદીઓએ અંદર પ્રવેશવાનો પ્રયાસ કર્યો, પરંતુ સુરક્ષા દળોએ તેમને રોક્યા અને જવાબી કાર્યવાહી શરૂ કરી.પ્રાપ્ત માહિતી અનુસાર, આ હુમલામાં છ લોકો માર્યા ગયા છે. એક વરિષ્ઠ પોલીસ અધિકારીએ નામ ન આપવાની શરતે એએફપીને જણાવ્યું “હુમલાખોરોએ ગેટ પર વિસ્ફોટ કર્યા અને પછી છાવણીમાં પ્રવેશવાનો પ્રયાસ કર્યો પરંતુ સુરક્ષા દળોએ જવાબી ગોળીબારમાં તેમને રોકી દીધા. ચાર આતંકવાદીઓ માર્યા ગયા હોવાની પુષ્ટિ થઈ છે.
Terrorist attack on Pakistani army camp -ઉલ્લેખનીય છે કે બન્નુ જિલ્લો પાકિસ્તાનના અશાંત ખૈબર પખ્તુનખ્વા પ્રાંતમાં આવેલો છે અને તે અફઘાનિસ્તાનની સરહદને અડીને પણ આવેલો છે. આ વિસ્તારમાં પહેલા પણ આતંકવાદી પ્રવૃત્તિઓ થઈ ચૂકી છે.
ડોનના અહેવાલ મુજબ, અમેરિકા અને નાટો દળો વિરુદ્ધ અફઘાન તાલિબાનને ટેકો આપનારા હાફિઝ ગુલ બહાદુર જૂથે આ હુમલાની જવાબદારી સ્વીકારી છે. “અમારા લડવૈયાઓ એક મહત્વપૂર્ણ લક્ષ્ય સુધી પહોંચ્યા અને તેના પર નિયંત્રણ મેળવી લીધું,” સંગઠને એક નિવેદનમાં જણાવ્યું. જોકે, તેમણે વધુ કોઈ માહિતી આપી ન હતી.
આ પણ વાંચો- Used bike selling Tips: આ 5 કામ કરો! જૂની બાઇક તરત જ વેચાઈ જશે, તમને યોગ્ય કિંમત મળશે
