Trump’s Big Claim: અમેરિકી રાષ્ટ્રપતિ ડોનાલ્ડ ટ્રમ્પે વડાપ્રધાન નરેન્દ્ર મોદી સાથેની વાતચીત બાદ એક સનસનાટીભર્યો દાવો કર્યો છે. ટ્રમ્પના જણાવ્યા અનુસાર, ભારતે અમેરિકા દ્વારા ટેરિફમાં કરાયેલા ઘટાડાના બદલામાં હવે વેનેઝુએલા પાસેથી મોટા પાયે ક્રૂડ ઓઈલ ખરીદવાની તૈયારી દર્શાવી છે. આ નિર્ણય વૈશ્વિક ઉર્જા બજારમાં રશિયા અને ઈરાન માટે મોટો ઝટકો સાબિત થઈ શકે છે.
Trump’s Big Claim: એરફોર્સ વનમાંથી ટ્રમ્પની મોટી જાહેરાત
અમેરિકી રાષ્ટ્રપતિના સત્તાવાર વિમાન ‘એરફોર્સ વન’ માં પત્રકારો સાથે વાતચીત કરતા ડોનાલ્ડ ટ્રમ્પે જણાવ્યું હતું કે, “અમે ભારત સાથે પહેલેથી જ એક સોદો કરી લીધો છે. ભારત હવે વેનેઝુએલા પાસેથી તેલ ખરીદશે. અમે ભારત પર લાગતા ટેરિફને ૨૫% થી ઘટાડીને ૧૮% કરી દીધો છે અને આ નિર્ણય તાત્કાલિક અસરથી અમલમાં આવશે.”
ભારત અને વેનેઝુએલા વચ્ચે વધતી નિકટતા
ટ્રમ્પનો આ દાવો એવા સમયે આવ્યો છે જ્યારે વડાપ્રધાન નરેન્દ્ર મોદીએ શુક્રવારે જ વેનેઝુએલાના કાર્યકારી રાષ્ટ્રપતિ ડેલ્સી રોડ્રિગ્ઝ સાથે ટેલિફોનિક વાતચીત કરી હતી.
દ્વિપક્ષીય સંબંધો: બંને નેતાઓ ઉર્જા, વેપાર, રોકાણ, ડિજિટલ ટેકનોલોજી અને કૃષિ જેવા ક્ષેત્રોમાં ભાગીદારી મજબૂત કરવા સંમત થયા છે.
ગ્લોબલ સાઉથ: ભારતે વેનેઝુએલા સાથે ‘ગ્લોબલ સાઉથ’ ના દેશોના હિતો માટે સહયોગ વધારવા પર ભાર મૂક્યો છે.
રશિયન તેલ પર નિર્ભરતા ઘટશે?
છેલ્લા કેટલાક વર્ષોમાં ભારત રશિયા પાસેથી રાહત દરે ક્રૂડ ઓઈલ ખરીદી રહ્યું હતું, જેના કારણે રશિયા ભારતનો સૌથી મોટો તેલ સપ્લાયર બની ગયો હતો. જોકે, ટ્રમ્પના દાવા મુજબ જો ભારત હવે વેનેઝુએલા તરફ વળે છે, તો તે રશિયા અને ઈરાન પરના અમેરિકી પ્રતિબંધોના દબાણ હેઠળ લેવાયેલો એક મોટો વ્યૂહાત્મક નિર્ણય હોઈ શકે છે.
આ પણ વાંચો: IndiaUSTradeDeal : ટેરિફ મામલે ભારત સામે અમેરિકા ઝુક્યું, હવે 25થી ઘટીને 18 ટકા ટેરિફ
