ટ્રમ્પ સરકારનો નિર્ણય: હાર્વર્ડ યુનિવર્સિટીમાં આંતરરાષ્ટ્રીય વિદ્યાર્થીઓનો

HarvardUniversity – ગુરૂવારે અમેરિકાના રાષ્ટ્રપ્રમુખ ડોનાલ્ડ ટ્રમ્પે હાર્વર્ડ યુનિવર્સિટીના આંતરરાષ્ટ્રીય વિદ્યાર્થી પ્રોગ્રામને બંધ કરવાનો નિર્ણય જાહેર કર્યો, જેના કારણે હજારો વિદેશી વિદ્યાર્થીઓના હાર્વર્ડમાં અભ્યાસ કરવાના સપના પર પાણી ફરી વળ્યું છે. આ નિર્ણયથી ભારતના 788 અને ચીનના 2126 સહિત કુલ 6793 આંતરરાષ્ટ્રીય વિદ્યાર્થીઓ પર અસર પડશે, જે યુનિવર્સિટીના કુલ વિદ્યાર્થીઓના 27% છે.

HarvardUniversity- ટ્રમ્પ સરકારની શરતો અને યહૂદી વિરોધી ભાવનાનો આરોપ
ટ્રમ્પ સરકારે હાર્વર્ડ પર યહૂદી વિરોધી ભાવનાને પ્રોત્સાહન આપવા અને ચીનની કોમ્યુનિસ્ટ પાર્ટી સાથે સંકળાયેલ હોવાનો આરોપ લગાવ્યો છે. આ ઉપરાંત, સરકારે યુનિવર્સિટી સમક્ષ 72 કલાકની અંદર પાલન કરવા માટે નીચેની શરતો મૂકી છે:

છેલ્લા પાંચ વર્ષમાં ગેરકાયદે ગતિવિધિઓ સાથે સંકળાયેલા વિદેશી વિદ્યાર્થીઓના ઈલેક્ટ્રોનિક, ઓડિયો-વીડિયો રેકોર્ડ રજૂ કરવા.
હિંસક અથવા જોખમી ગતિવિધિઓના રેકોર્ડ.
વિદેશી વિદ્યાર્થીઓ દ્વારા અન્ય વિદ્યાર્થીઓ કે કર્મચારીઓને આપવામાં આવેલી ધમકીના રેકોર્ડ.
મારામારી અને ઝઘડા સંબંધિત રેકોર્ડ.
છેલ્લા પાંચ વર્ષમાં પ્રવેશ લેનારા વિદેશી વિદ્યાર્થીઓના રેકોર્ડ.
વિરોધ કે આંદોલનમાં સામેલ વિદેશી વિદ્યાર્થીઓના ઓડિયો-વીડિયો રેકોર્ડ.

જો હાર્વર્ડ આ શરતો સ્વીકારે, તો 6800 વિદ્યાર્થીઓને રાહત મળી શકે છે.

હાર્વર્ડ પર નાણાકીય અને નીતિગત દબાણ
અગાઉ ટ્રમ્પ સરકારે હાર્વર્ડનું ફંડિંગ બંધ કર્યું હતું, અને હવે આંતરરાષ્ટ્રીય વિદ્યાર્થી પ્રોગ્રામ પર પ્રતિબંધ મૂકવામાં આવ્યો છે. ટ્રમ્પ સરકારનો આ નિર્ણય હાર્વર્ડના વિદેશી વિદ્યાર્થીઓના ભવિષ્યને જોખમમાં મૂકી શકે છે, જેમાં ભારત અને ચીનના વિદ્યાર્થીઓનો મોટો હિસ્સો છે.

ચીનનો વધતો પ્રભાવ અને યહૂદી વિરોધી વિવાદ
હાર્વર્ડમાં ચીનના 2126 વિદ્યાર્થીઓ સહિત વિદેશી વિદ્યાર્થીઓની સંખ્યા સતત વધી રહી છે. ટ્રમ્પ સરકારે યુનિવર્સિટી પર ચીનના વધતા પ્રભાવ અને કેમ્પસમાં યહૂદી વિરોધી ગતિવિધિઓને કારણે આ કડક પગલાં લીધા હોવાનું જણાવ્યું છે.

આ પણ વાંચો – હવે મુકેશ અંબાણી સોલરમાં પણ મચાવશે ધૂમ