Saif Ali Khan Knife Attack – જ્યારે બોલિવૂડ એક્ટર સૈફ અલી ખાન પર જીવલેણ હુમલો થયો ત્યારે તે મુંબઈના બાંદ્રા સ્થિત પોતાના ઘરે હતો. કડક સુરક્ષા હોવા છતાં એક અજાણ્યો વ્યક્તિ ચોરીના ઈરાદે અભિનેતાના ઘરમાં ઘુસ્યો હતો. ઝપાઝપી દરમિયાન એક અજાણ્યા વ્યક્તિએ સૈફ પર છરી વડે હુમલો કર્યો હતો. ચાહકો આશ્ચર્યમાં છે કે આટલી સુરક્ષા હોવા છતાં તે વ્યક્તિ સૈફ અલી ખાનના ઘરમાં કેવી રીતે ઘૂસ્યો? આ દરમિયાન અભિનેતાના સિક્યોરિટી ગાર્ડનું પહેલું નિવેદન સામે આવ્યું છે, જેમાં તેણે જણાવ્યું છે કે ઘટના સમયે તે સૂતો હતો.
An unknown person entered Actor Saif Ali Khan’s residence and argued with his maid, late last night. When the actor tried to intervene and pacify the man, he attacked Saif Ali Khan and injured him. Police are investigating the matter: Mumbai Police
(file photo) pic.twitter.com/pHgByuxqB9
— ANI (@ANI) January 16, 2025
બિલ્ડિંગની નીચે 3 સુરક્ષા ગાર્ડ તૈનાત હતા
Saif Ali Khan Knife Attack – અહેવાલ મુજબ બાંદ્રામાં સૈફ અલી ખાનના ઘરની બિલ્ડિંગની નીચે 3 સુરક્ષા ગાર્ડ તૈનાત હતા. પૂછપરછ દરમિયાન એક ગાર્ડે જણાવ્યું કે તેની સવારની ડ્યુટી હતી તેથી તે સૂતો હતો. તેમનું કહેવું છે કે રાત્રે જે ગાર્ડ ફરજ પર હતા તેમને પૂછવું જોઈએ. સ્વાભાવિક રીતે જ આ ઘટના મોડી રાત્રે બની હતી, તેથી નાઈટ શિફ્ટ ગાર્ડ પર પણ સવાલો ઉભા થયા છે. હાલમાં, પોલીસે બિલ્ડિંગના સુરક્ષા ગાર્ડ અને કર્મચારીઓની અટકાયત કરી છે અને તેમની પૂછપરછ શરૂ કરી છે.
3 શકમંદોની અટકાયત બીજી તરફ સૈફ અલી ખાન પર હુમલાના કેસમાં પોલીસે મોટી કાર્યવાહી કરી છે. પોલીસે 3 શકમંદોને પોતાની કસ્ટડીમાં લીધા છે. પોલીસ તેની પૂછપરછ કરી રહી છે. અભિનેતાની ટીમ તરફથી એક સત્તાવાર નિવેદન આવ્યું છે, જેમાં કહેવામાં આવ્યું છે કે એક અજાણ્યો વ્યક્તિ ચોરીના ઇરાદે અભિનેતાના ઘરમાં ઘૂસ્યો હતો. કરીના કપૂરની ટીમે પણ પોતાના નિવેદનમાં કહ્યું છે કે સૈફ અલી ખાનના ઘરે ચોરીનો પ્રયાસ કરવામાં આવ્યો હતો.
આ પણ વાંચો – Saif Ali Khan Medical Bulletin : સૈફ અલી ખાનની સર્જરી સફળ રીતે પૂર્ણ, ICUમાં થશે શિફ્ટ
