Five soldiers die after army vehicle falls into valley- જમ્મુ-કાશ્મીરના પૂંચમાં એક મોટી દુર્ઘટના ઘટી છે. પૂંચ જિલ્લાના મેંધર સબ ડિવિઝનના બાલનોઈ વિસ્તારમાં ભારતીય સેનાનું વાહન ઊંડી ખાઈમાં પડી ગયું છે. આ ઘટનામાં 5 જવાનોના મોત થયા છે અને 12 જવાનો ગંભીર રીતે ઘાયલ થયા છે. આ અકસ્માતમાં એક જવાન સુરક્ષિત છે. પ્રાપ્ત માહિતી અનુસાર, વાહનમાં કુલ 18 સૈનિકો સવાર હતા.
શું છે સમગ્ર મામલો?
Five soldiers die after army vehicle falls into valley- પૂંચ જિલ્લાના મેંધર સબ-ડિવિઝનના માનકોટ સેક્ટરના બાલનોઈ વિસ્તારમાં ભારતીય સેનાનું એક વાહન 300 ફૂટ ઊંડી ખીણમાં પડી જતાં મોટો અકસ્માત થયો હતો. સૂત્રોના જણાવ્યા અનુસાર, સૈન્યના જવાનો એક વાહનમાં તેમની ચોકી તરફ જઈ રહ્યા હતા ત્યારે રસ્તામાં ડ્રાઈવરે વાહન પરનો કાબૂ ગુમાવ્યો અને આ અકસ્માત થયો. પોલીસ સૂત્રોએ જણાવ્યું છે કે કારમાં કુલ 18 સૈનિકો હતા.
કેટલાક ઘાયલોની હાલત અત્યંત ગંભીર હોવાનું કહેવાય છે, અને તેમને સારવાર માટે હોસ્પિટલમાં દાખલ કરવામાં આવ્યા છે. હાલ બચાવ કામગીરી ચાલી રહી છે અને રાહત અને બચાવ ટીમ ઘટનાસ્થળે પહોંચી ઘાયલોને બચાવવાનો પ્રયાસ કરી રહી છે. આ ઘટના LoC નજીક બની હતી જે પોલીસ ચોકી માનકોટ અને પોલીસ સ્ટેશન મેંધર હેઠળ આવે છે.
આ પણ વાંચો – Shami Tree : ભગવાન શિવને અતિપ્રિય આ છોડ: આ દિવસે તેને ન તોડતા, મેળવો સમૃદ્ધિ અને શાંતિ
