AMC Election Candidates list : અમદાવાદ મ્યુનિસિપલ કોર્પોરેશન (AMC) ની આગામી ચૂંટણી માટે રાજકીય ગરમાવો હવે ચરમસીમાએ પહોંચી ગયો છે. ચૂંટણીના રણશિંગા વચ્ચે ભારતીય જનતા પાર્ટી (BJP) એ પોતાની સૌથી મોટી અને અત્યંત મહત્વપૂર્ણ જાહેરાત કરી દીધી છે. ભાજપે અમદાવાદના તમામ 48 વોર્ડ માટે પોતાના ઉમેદવારોની સત્તાવાર યાદી જાહેર કરી દીધી છે, જેમાં અનેક નવા ચહેરાઓને સ્થાન આપવામાં આવ્યું છે જ્યારે અનેક જૂના દિગ્ગજોની ટિકિટ કાપી નાખવામાં આવી છે.
સ્થાનિક સ્વરાજ્યની ચૂંટણી અંતર્ગત પ્રદેશ અધ્યક્ષ શ્રી @iJagdishBJP ના અધ્યક્ષસ્થાને મળેલી પ્રદેશ ચૂંટણી સમિતિની બેઠકમાં અમદાવાદ મહાનગરપાલિકાના ઉમેદવારોની પસંદગી કરવામાં આવી. #કમળ_ખીલશે_વિકાસ_જીતશે pic.twitter.com/UT3VGthxYO
— BJP Gujarat (@BJP4Gujarat) April 10, 2026
AMC Election Candidates list : ગોતા, રાણીપ અને સાબરમતી સહિતના વિસ્તારોના સમીકરણો
ભાજપ દ્વારા જાહેર કરવામાં આવેલી યાદીમાં જ્ઞાતિગત સમીકરણો અને વોર્ડની ભૌગોલિક સ્થિતિનું ખાસ ધ્યાન રાખવામાં આવ્યું છે.
ગોતા (Gota) વોર્ડ: આ હાઇપ્રોફાઇલ વોર્ડમાંથી હિનાબેન પટેલ અને કેતનકુમાર પટેલને ટિકિટ આપવામાં આવી છે.
રાણીપ (Ranip): અહીંથી ભાવી પંચાલ અને મહેશભાઈ પટેલને ચૂંટણી મેદાનમાં ઉતારાયા છે.
સાબરમતી (Sabarmati): આ વોર્ડની જવાબદારી ખુશ્બુબેન પરમાર અને ચેતનભાઈ પટેલને સોંપવામાં આવી છે.
ચાંદલોડિયા (Chandlodiya): બિંદુબેન કુકડિયા અને ભૂપેન્દ્ર પંચાલને ટિકિટ ફાળવવામાં આવી છે.
પૂર્વ અમદાવાદમાં નવા ચહેરાઓ પર દાવ
પૂર્વ અમદાવાદના વિવિધ વોર્ડમાં પક્ષે જૂના જોગીઓ અને નવા ચહેરાઓ વચ્ચે સંતુલન જાળવવાનો પ્રયાસ કર્યો છે.
નરોડા (Naroda): દિવ્યા ખાખી અને વિપુલ પટેલ મેદાને ઉતરશે.
નિકોલ (Nikol): નીતાબેન પટેલ અને દિપકભાઈ પંચાલને ઉમેદવાર બનાવાયા છે.
શાહીબાગ (Shahibaug): હીનાબેન પરમાર અને જશુભાઈ ઠાકોર ભાજપના ઉમેદવાર રહેશે.
સૈજપુર બોઘા: ભાવનાબેન રબારી અને અંકિત પટેલના નામની જાહેરાત થઈ છે.
આ ઉપરાંત બાપુનગર, ઠક્કરનગર અને ઇન્ડિયા કોલોનીમાં પણ નવા અને યુવા ચહેરાઓને તક અપાઈ છે. બાપુનગરમાં મનીષ માટલિયા અને પ્રવીણભાઈ જોગણી ચૂંટણી લડશે.
મહિલાઓ અને યુવાઓને પ્રાધાન્ય
આ ચૂંટણી યાદીમાં ભાજપે ‘નો-રિપીટ’ થિયરીને અમલમાં મૂકીને એક મોટો સંકેત આપ્યો છે. વિરોધીઓની વ્યૂહરચના નિષ્ફળ બનાવવા માટે ટિકિટ વહેંચણીમાં મહિલા પ્રતિનિધિત્વ અને યુવા કાર્યકરો પર વિશેષ ભાર મૂકવામાં આવ્યો છે. તમામ જાહેર થયેલા ઉમેદવારો આવતીકાલે વિજય મુહૂર્તમાં ફોર્મ ભરીને પોતાના ચૂંટણી પ્રચારના શ્રીગણેશ કરશે.
