જમ્મુ-કાશ્મીર વિધાનસભા ચૂંટણીના બીજા તબક્કા માટે ભાજપે સ્ટાર પ્રચારકો ની યાદી જાહેર કરી છે. આ યાદીમાં વડાપ્રધાન નરેન્દ્ર મોદી, કેન્દ્રીય મંત્રી જેપી નડ્ડા, અમિત શાહ, રાજનાથ સિંહ, નીતિન ગડકરી, યુપીના સીએમ યોગી આદિત્યનાથ અને રાજસ્થાનના સીએમ ભજનલાલ શર્મા સહિત ઘણા નેતાઓના નામ સામેલ છે.
મનોહર લાલ ખટ્ટર અને જી કિશન રેડ્ડીના નામ ( સ્ટાર પ્રચારકો)
બીજા તબક્કાની ચૂંટણી 25 સપ્ટેમ્બરે છે. શિવરાજ સિંહ ચૌહાણ, મનોહર લાલ ખટ્ટર અને જી કિશન રેડ્ડી સહિત અનેક કેન્દ્રીય મંત્રીઓના નામ સ્ટાર પ્રચારકોની યાદીમાં છે. જેમાં હિમાચલ પ્રદેશના પૂર્વ સીએમ જયરામ ઠાકુર અને કેન્દ્રીય મંત્રી જિતેન્દ્ર સિંહના નામ સામેલ છે.
સ્ટાર પ્રચારકોની યાદીમાં સ્મૃતિ ઈરાનીનું નામ પણ છે
આ સાથે જ જમ્મુ-કાશ્મીરમાં વિધાનસભા ચૂંટણીના બીજા તબક્કામાં બીજેપીના રાષ્ટ્રીય મહાસચિવ તરુણ ચુગ અને સાંસદ અનુરાગ ઠાકુર પણ પાર્ટી માટે પ્રચાર કરશે. ભાજપના 40 સ્ટાર પ્રચારકોની યાદીમાં અમેઠીના પૂર્વ સાંસદ સ્મૃતિ ઈરાનીનું નામ પણ સામેલ છે.
અમિત શાહ શુક્રવારે ચૂંટણી ઢંઢેરો જાહેર કરશે
દરમિયાન, પાર્ટીના સૂત્રોના જણાવ્યા અનુસાર, કેન્દ્રીય ગૃહ પ્રધાન અમિત શાહ 6 સપ્ટેમ્બરે જમ્મુ અને કાશ્મીર વિધાનસભા ચૂંટણી માટે ભાજપનો ચૂંટણી ઢંઢેરો જાહેર કરશે. શાહ શુક્રવારે બપોરે 2 વાગ્યાની આસપાસ જમ્મુ પહોંચવાની ધારણા છે, જ્યાં તેઓ શહેરમાં ભાજપના મીડિયા સેન્ટરમાં મેનિફેસ્ટો બહાર પાડશે.
ચૂંટણી ત્રણ તબક્કામાં છે
તમને જણાવી દઈએ કે જમ્મુ-કાશ્મીરમાં 3 તબક્કામાં વિધાનસભાની ચૂંટણી છે. પ્રથમ તબક્કાની ચૂંટણી 18 સપ્ટેમ્બરે છે. બીજા તબક્કાની ચૂંટણી 25 સપ્ટેમ્બરે અને ત્રીજા તબક્કાની ચૂંટણી 1 ઓક્ટોબરે છે. ચૂંટણીના પરિણામો 8 ઓક્ટોબરે આવશે.
આ પણ વાંચો- ભારતમાં બળાત્કારના 10માંથી 7 કેસમાં આરોપીઓને સજા થતી નથી! આ છે દેશની વાસ્તવિકતા
