Gujarat Police Dog Check Gold Medal: ગુજરાત પોલીસના શ્વાન દળ (K9 Unit) માટે આ એક ઐતિહાસિક અને ગૌરવશાળી ક્ષણ છે. મહારાષ્ટ્રના નાગપુર [Nagpur] ખાતે યોજાયેલી 69મી ઓલ ઈન્ડિયા પોલીસ ડ્યુટી મીટ [AIPDM] માં ગુજરાત પોલીસના ‘ચેક’ (Check) નામના શ્વાને શાનદાર પ્રદર્શન કરીને ગોલ્ડ મેડલ જીત્યો છે. ખાસ વાત એ છે કે, આશરે 16 વર્ષના લાંબા અંતરાલ બાદ ગુજરાત પોલીસના કોઈ શ્વાને રાષ્ટ્રીય સ્તરે સુવર્ણ પદક હાંસલ કર્યો છે. શુક્રવારે રાજ્યના ડીજીપી (DGP) ડો. કે એલ એન રાવે આ ચેમ્પિયન ડોગ અને તેના હેન્ડલર સાથે મુલાકાત કરી તેમને સન્માનિત કર્યા હતા.
નાગપુરમાં યોજાઈ હતી કઠિન પરીક્ષા [All India Police Duty Meet Championship]
માર્ચ-એપ્રિલ 2026 દરમિયાન આયોજિત આ ચેમ્પિયનશિપમાં દેશભરના વિવિધ રાજ્યોની પોલીસ અને અર્ધલશ્કરી દળોના 200 થી વધુ શ્રેષ્ઠ શ્વાનોએ ભાગ લીધો હતો. આ સ્પર્ધામાં વિસ્ફોટક અને નશીલા પદાર્થોની શોધ [Explosive and Narcotics Detection], ટ્રેકિંગ [Tracking] અને ચપળતા જેવી વિવિધ કેટેગરીમાં કસોટી કરવામાં આવી હતી. ગુજરાત પોલીસના ડોગ ટ્રેનિંગ કન્સલ્ટન્ટ [Dog Training Consultant] કર્નલ ચંદનસિંહ રાઠોડે જણાવ્યું કે, ‘ચેક’ એ ટ્રેકિંગ કેટેગરીમાં 45 સ્પર્ધકોને પછાડીને ગોલ્ડ મેડલ મેળવ્યો છે, જ્યારે ઓવરઓલ કેટેગરીમાં બ્રોન્ઝ મેડલ જીત્યો છે.
હેન્ડલરની મહેનત અને ટ્રેનિંગનો વિજય [Dog Handler Ramesh Khant]
આ સફળતા પાછળ ‘ચેક’ ના હેન્ડલર રમેશ ખાંટ [Ramesh Khant] ની સખત મહેનત રહેલી છે. ડીજીપીએ રમેશ ખાંટના કૌશલ્યના પણ મુક્તમને વખાણ કર્યા હતા. આ તૈયારીઓ પોલીસ મહાનિર્દેશક (તાલીમ) ડો. નીરજા ગોત્રુ [Dr. Neerja Gotru] ની સીધી દેખરેખ હેઠળ કરવામાં આવી હતી. ઉલ્લેખનીય છે કે ગુજરાતના વિવિધ જિલ્લાઓમાં હાલમાં આશરે 160 જેટલા તાલીમબદ્ધ પોલીસ શ્વાન તૈનાત છે, જે ગુના શોધખોળ અને દારૂબંધીના કાયદાના અમલીકરણમાં પોલીસને મદદરૂપ થાય છે.
ગુજરાત પોલીસનું વધ્યું ગૌરવ [Pride of Gujarat Police]
આ રાષ્ટ્રીય મીટમાં ગુજરાત પોલીસના કુલ છ શ્વાનોએ વિવિધ સ્પર્ધાઓમાં ભાગ લીધો હતો. ‘ચેક’ દ્વારા મેળવવામાં આવેલી આ સિદ્ધિએ સાબિત કર્યું છે કે ગુજરાત પોલીસનું K9 દળ કોઈપણ રાષ્ટ્રીય પડકારને પહોંચી વળવા સજ્જ છે. 16 વર્ષ બાદ મળેલો આ ગોલ્ડ મેડલ પોલીસ ટ્રેનિંગ સેન્ટરની આધુનિક પદ્ધતિઓ અને વિજ્ઞાની અભિગમનું પરિણામ છે.
