Gujarat Weather Forecast: ગુજરાતમાં અત્યારે સૂર્યનારાયણ આકરા પાણીએ છે અને તાપમાનનો પારો 42 ડિગ્રીને પાર પહોંચી ગયો છે. જોકે, આ કાળઝાળ ગરમી [Heatwave] વચ્ચે રાહતના સમાચાર એ છે કે રાજ્યમાં આગામી બે દિવસ કમોસમી વરસાદ [Unseasonal Rain] પડવાની શક્યતા છે. હવામાન વિભાગના મતે, પ્રી-મોન્સૂન જેવી ગતિવિધિઓને કારણે વાતાવરણમાં પલટો આવશે.
કયા જિલ્લાઓમાં થશે અસર? (Gujarat Weather Forecast)
હવામાન વિભાગની [IMD Forecast] આગાહી અનુસાર, ઉત્તર ગુજરાત અને સૌરાષ્ટ્રના છૂટાછવાયા વિસ્તારોમાં હળવોથી મધ્યમ વરસાદ પડી શકે છે. મુખ્યત્વે સાબરકાંઠા [Sabarkantha], અરવલ્લી, દાહોદ, મહીસાગર, પંચમહાલ, અમરેલી અને ભાવનગર [Bhavnagar] જિલ્લામાં માવઠું પડવાની સંભાવના વ્યક્ત કરવામાં આવી છે. રાજ્યના બાકીના હિસ્સામાં હવામાન સૂકું રહેશે.
કેમ બદલાશે વાતાવરણ? (Reasons Behind Weather Change)
હવામાનમાં આવનારા આ ફેરફાર માટે દક્ષિણ-પૂર્વ પાકિસ્તાન અને તેની આસપાસના રાજસ્થાન [Rajasthan] પર સર્જાયેલું ‘અપર એર સાયક્લોનિક સર્ક્યુલેશન’ [Upper Air Cyclonic Circulation] જવાબદાર છે. આ સિસ્ટમને કારણે ભેજવાળા પવનો ફૂંકાશે અને પ્રી-મોન્સૂન એક્ટિવિટી [Pre-monsoon Activity] તેજ બનશે.
ગરમીનો પારો હજુ વધશે (Rise in Temperature)
વરસાદની આગાહી છતાં, 18 એપ્રિલ સુધી રાજ્યમાં કાળઝાળ ગરમી અને બફારો ચાલુ રહેશે. ખાસ કરીને સૌરાષ્ટ્ર-કચ્છના દરિયાકાંઠાના વિસ્તારોમાં ગરમીનું જોર વધુ રહેશે. ગત 24 કલાકમાં રાજકોટમાં [Rajkot] 42.4 ડિગ્રી સાથે રાજ્યનું સૌથી ઊંચું તાપમાન નોંધાયું હતું. અમદાવાદમાં [Ahmedabad] પણ પારો 40 ડિગ્રીની આસપાસ રહેવાની શક્યતા છે.
આ પણ વાંચો: ગુજરાત ચૂંટણી: વડોદરા-ડભોઈમાં ભાજપ-કોંગ્રેસ વચ્ચે ભીષણ ટકરાવ
