સાઉદી અરેબિયાએ હજ-ઉમરાહ ક્વોટામાં મોટો ઘટાડો કર્યો છે. ભારતના ખાનગી હજ ક્વોટામાં અંદાજે 80 ટકાનો ઘટાડો કરવામાં આવ્યો છે. આ નિર્ણય બાદ જમ્મુ-કાશ્મીરના ટૂર ઓપરેટરોએ વિરોધ દર્શાવ્યો છે અને વિદેશ મંત્રાલયને આ મામલે તાત્કાલિક હસ્તક્ષેપ કરવા વિનંતી કરી છે.
સાઉદી અરેબિયાએ ભીડ ઘટાડવા માટે આ વર્ષે હજ ક્વોટામાં ઘટાડો કર્યો છે. આ યાદીમાં ભારતનું નામ પણ છે. આ નિર્ણય બાદ હજ-ઉમરાહ સેવા સંઘના જનરલ સેક્રેટરી ઉમર નઝીર તિબેતે કહ્યું છે કે કેટલાક ઓપરેટરોનું કહેવું છે કે તેઓ નુકસાન સહન કરી શકતા નથી.
નાઝીર તિબેતે વિદેશ મંત્રાલયને આ મામલે તાત્કાલિક હસ્તક્ષેપ કરવા અને ભારતીય હજ યાત્રીઓના ક્વોટામાં 80% ઘટાડાનો મુદ્દો સાઉદી સરકાર સમક્ષ ઉઠાવવાની અપીલ કરી છે. તાજેતરના અહેવાલ મુજબ, આ વર્ષે લગભગ 52,000 હજ યાત્રીઓ હજ કરી શકશે નહીં. કારણ કે સાઉદી અરેબિયા દ્વારા મીનામાં પાર્કિંગ માટે ઓપરેટરોને ફાળવવામાં આવેલા વિસ્તારો સાઉદી સરકાર દ્વારા રદ કરવામાં આવ્યા છે.
નાઝીરે કહ્યું કે આ નિર્ણય તેના ઓપરેટરો માટે વિનાશક સાબિત થશે કારણ કે તેઓ આટલું મોટું નુકસાન સહન કરી શકશે નહીં. તેમણે કહ્યું કે હજ કરવી એ દરેક મુસ્લિમનો અધિકાર છે, તેમણે કહ્યું કે આટલા લોકો આ વર્ષે હજ નહીં કરી શકે તે કહેવાના અમે કોણ છીએ. નઝીરે એરલાઈન્સને પણ આ વર્ષે હજ ન કરી શકતા મુસાફરોના પૈસા પરત કરવા વિનંતી કરી છે. તેમણે કહ્યું કે સાઉદી સરકારના આ નિર્ણયથી મુસ્લિમોનું હજ કરવાનું સપનું ચકનાચૂર થઈ ગયું છે.
