SAIF ALI KHAN ATTECK – સૈફ અલી ખાન પર તેના મુંબઈના ઘરમાં ચોરે છરી વડે હુમલો કર્યો હતો, જેના કલાકો બાદ આરોપીની પ્રથમ તસવીર સામે આવી છે. બુધવારે રાત્રે બોલિવૂડ સુપરસ્ટાર પર હુમલો કરનાર આરોપીનો CCTV ફોટો મળી આવ્યો છે. સીસીટીવી ફૂટેજમાં આરોપીનો ચહેરો સ્પષ્ટ દેખાઈ રહ્યો છે, જે દર્શાવે છે કે તે 16 જાન્યુઆરીના રોજ સવારે 2:33 વાગ્યે બિલ્ડિંગની સીડી પર હતો. સૈફ અલી ખાન પર થયેલા હુમલાને લઈને એક નવું અપડેટ સામે આવ્યું છે. મુંબઈ પોલીસને CCTV ફૂટેજમાંથી પહેલો અને મહત્વનો સંકેત મળ્યો છે. ગુરુવારે મધ્યરાત્રિએ મુંબઈના બાંદ્રામાં સૈફ અલી ખાનના ઘરે ચોરીનો મામલો સામે આવ્યો હતો. અભિનેતાના ઘરે એક અજાણ્યો શખ્સ ચોરીના ઈરાદે આવ્યો હતો.
સૈફ પર હુમલો કરનાર શકમંદની તસવીર
SAIF ALI KHAN ATTECK- મુંબઈ પોલીસે ગુરુવારે જણાવ્યું હતું કે અભિનેતા પર હુમલો કરનાર વ્યક્તિ ચોરીના ઈરાદા સાથે ફાયર એક્ઝિટ સીડીઓ દ્વારા ઘરમાં પ્રવેશ્યો હતો. આ શંકાસ્પદ આરોપીનો ચહેરો તે જ બિલ્ડિંગના CCTV ફૂટેજમાં કેદ થયો હતો. શંકાસ્પદની ઓળખ થતાં જ પોલીસે તેનો ચહેરો જાહેર કર્યો અને તેને બતાવ્યો કે જે સ્થળ પરથી ભાગી ગયો હતો. બાંદ્રા પોલીસ છેલ્લા ઘણા કલાકોથી સીસીટીવી ફૂટેજની તપાસ કરી રહી હતી. આ સંદર્ભે પોલીસ ગયા અઠવાડિયે કામ માટે ઘરે આવેલા દરેક વ્યક્તિની પૂછપરછ કરી રહી છે. સૈફ પર હુમલાની તપાસ માટે મુંબઈ પોલીસે કુલ 10 સ્થાનિક અને ક્રાઈમ બ્રાન્ચની ટીમો બનાવી છે.
અભિનેતા સૈફ અલી ખાન પર મોડી રાત્રે છરી વડે હુમલો કરવામાં આવ્યો હતો. આ પછી જ અભિનેતાને ગંભીર હાલતમાં લીલાવતી હોસ્પિટલમાં દાખલ કરવામાં આવ્યો હતો. જ્યાં તબીબોએ તેની સર્જરી કરી હતી. હવે સૈફ અલી ખાનના સ્વાસ્થ્યને લઈને એક નવું અપડેટ સામે આવ્યું છે. તેની સર્જરી પૂર્ણ થઈ ગઈ છે અને તે ખતરાની બહાર છે. નોકરાણીને બચાવવા આવેલો સૈફ અલી ખાન પણ અકસ્માતનો શિકાર બન્યો હતો અને હુમલાખોરે તેના પર હુમલો કર્યો હતો.
આ પણ વાંચો – SAIF ALI KHAN ATTECK: સૈફ અલી ખાન પર હુમલો કરનાર એક આરોપીની થઇ ઓળખ, પોલીસે કર્યો મોટો ખુલાસો!
