ઈરાન-ઈઝરાયલ યુદ્ધ : બે દિવસ પહેલા જ ઈરાનને બિનશરતી શરણાગતિ સ્વીકારવાનું અલ્ટીમેટમ આપનારા અમેરિકી રાષ્ટ્રપતિએ પોતાનું આગામી પગલું નક્કી કરવા માટે બે અઠવાડિયાની સમયમર્યાદા લીધી છે. ટ્રમ્પ વહીવટીતંત્રે ઈરાન-ઈઝરાયલ યુદ્ધમાં અમેરિકાના પ્રવેશ માટે બે અઠવાડિયાનો સમય આપીને રાજદ્વારી અને વ્યૂહાત્મક નિર્ણય લીધો છે. દરમિયાન, રશિયા, ચીન અને ઉત્તર કોરિયાએ આ યુદ્ધ માટે ઈઝરાયલ અને અમેરિકાની આકરી ટીકા કરી છે.
ઈરાન-ઈઝરાયલ યુદ્ધ : અમેરિકાના રાષ્ટ્રપતિ ડોનાલ્ડ ટ્રમ્પે ઈરાન-ઈઝરાયલ યુદ્ધનું પરિણામ નક્કી કરવા માટે 2 અઠવાડિયાની સમયમર્યાદા લીધી છે. અમેરિકા દ્વારા આપવામાં આવેલી આ બે અઠવાડિયાની મુદત ટ્રમ્પનો ‘વ્યૂહાત્મક વિલંબ’ છે જેથી તેઓ બધા વિકલ્પોનું મૂલ્યાંકન કરી શકે. આ મુદત એક રીતે વાતચીત અને રાજદ્વારી માટે જગ્યા આપે છે, જ્યારે લશ્કરી હસ્તક્ષેપનો વિકલ્પ ખુલ્લો રાખવામાં આવ્યો છે.
તમને જણાવી દઈએ કે વ્હાઇટ હાઉસે ગુરુવારે કહ્યું હતું કે રાષ્ટ્રપતિ ડોનાલ્ડ ટ્રમ્પ આગામી બે અઠવાડિયામાં નિર્ણય લેશે કે અમેરિકાએ ઈરાન સામે લશ્કરી કાર્યવાહી કરવી જોઈએ કે નહીં.એવા સમયે જ્યારે ઈઝરાયલે ઈરાન સાથેના યુદ્ધમાં નિર્ણાયક આગેવાની લીધી હતી. ઈઝરાયલે ઈરાનના ટોચના લશ્કરી નેતૃત્વને ખતમ કરી દીધું હતું, ઈઝરાયલનો ઈરાનના હવાઈ અવકાશ પર લગભગ સંપૂર્ણ નિયંત્રણ હતો, ઈરાનના ટોચના પરમાણુ વૈજ્ઞાનિકો માર્યા ગયા હતા, આવા નિર્ણાયક તબક્કે ટ્રમ્પ વહીવટીતંત્રે આ નિવેદન આપવું એ દર્શાવે છે કે ઈરાન-ઈઝરાયલ યુદ્ધમાં અમેરિકાનો પ્રવેશ એટલો સરળ નથી.
પુતિને સ્પષ્ટપણે કહ્યું હતું કે અમેરિકાએ ઈરાન પર હુમલો ન કરવો જોઈએ નહીંતર પરમાણુ વિનાશ નિશ્ચિત છે. રશિયાના નાયબ વિદેશ પ્રધાને સેન્ટ પીટર્સબર્ગમાં એક આર્થિક મંચ પર અમેરિકાને આ યુદ્ધથી દૂર રહેવાની સ્પષ્ટ સલાહ આપી છે. રશિયાના નાયબ વિદેશ પ્રધાન સેરગેઈ ર્યાબકોવે કહ્યું હતું કે અમેરિકાએ ઈરાન પર હુમલો ન કરવો જોઈએ કારણ કે તેનાથી મધ્ય પૂર્વમાં ભારે અસ્થિરતા સર્જાશે. તમને જણાવી દઈએ કે રશિયા ઈરાનનું મુખ્ય લશ્કરી અને આર્થિક સાથી છે. રશિયાએ ઈરાનને S-300 મિસાઈલ સંરક્ષણ પ્રણાલી અને અન્ય લશ્કરી ટેકનોલોજી પૂરી પાડી છે.
ઉત્તર કોરિયાની અમેરિકા પ્રત્યેની દુશ્મનાવટ પહેલાથી જ જાણીતી છે. ઉત્તર કોરિયાએ ઇઝરાયલના હુમલાઓને “માનવતા વિરુદ્ધના ગુનાઓ” ગણાવ્યા છે અને ઇઝરાયલને “શાંતિ પર કેન્સર” ગણાવ્યું છે. ઉત્તર કોરિયાના વિદેશ મંત્રાલયે એક નિવેદનમાં જણાવ્યું હતું કે ઇઝરાયલની કાર્યવાહી “રાજ્ય-પ્રાયોજિત આતંકવાદ” સમાન છે.
આ પણ વાંચો – ઇરાનના હોસ્પિટલ પર હુમલાથી ઇઝરાયેલમાં અફરાતફરી, ખામેનીને મારી નાંખવાની કરી પ્રતિજ્ઞા
