New Gujarat Ministers: ગુજરાત કેબિનેટનું વિસ્તરણ કરવામાં આવ્યું છે, જેમાં 19 નવા ચહેરાઓ સહિત કુલ 25 પ્રધાનોનો સમાવેશ કરવામાં આવ્યો છે. 2022ના અગાઉના મંત્રીમંડળના 16 પ્રધાનોમાંથી 10ને પડતા મુકીને માત્ર છ જૂના ચહેરાઓને જાળવી રાખવામાં આવ્યા છે, જ્યારે 19 નવા ચહેરાઓને સ્થાન આપીને ભાજપે સત્તા અને સંગઠનમાં નવા સમીકરણો સાધવાનો પ્રયાસ કર્યો છે.
New Gujarat Ministers: કેબિનેટમંત્રી
૧. જિતેન્દ્રભાઈ સવજીભાઈ વાઘાણી: (Jitubhai Vaghani.)ભાવનગર (પશ્ચિમ) મત વિભાગના સભ્ય, જિતેન્દ્રભાઈ વાઘાણીનો જન્મ 28મી જુલાઈ, 1970ના રોજ થયો હતો. વ્યવસાયે ખેતી અને બાંધકામ સાથે જોડાયેલા છે. તેઓ 13મી અને 14મી ગુજરાત વિધાનસભામાં સભ્ય તરીકે કાર્યરત હતા, જ્યાં 2021 થી 2022 દરમિયાન તેમણે પ્રાથમિક, માધ્યમિક, ઉચ્ચ શિક્ષણ, વિજ્ઞાન અને પ્રૌદ્યોગિકી વિભાગના પ્રધાન તરીકે સેવા આપી હતી. હાલમાં તેઓ 15મી વિધાનસભાની જાહેર હિસાબ સમિતિના પ્રમુખ તરીકે કાર્યરત છે. તેમના શોખમાં વાંચન, સમાજસેવા અને લોકસાહિત્યનો સમાવેશ થાય છે.
૨. નરેશભાઈ મગનભાઈ પટેલ: (. Nareshbhai Patel.)નવસારી જિલ્લાના ગણદેવી (અ.જ.જા.) મત વિભાગનું પ્રતિનિધિત્વ કરતા નરેશભાઈ પટેલનો જન્મ 1લી જૂન, 1969ના રોજ થયો હતો. તેમનો વ્યવસાય ખેતી અને વેપાર છે. તેઓ 12મી અને 14મી ગુજરાત વિધાનસભામાં સભ્ય હતા. 14મી વિધાનસભામાં તેમણે આદિજાતિ વિકાસ તેમજ અન્ન અને નાગરિક પુરવઠા વિભાગના પ્રધાન તરીકે સેવા આપી હતી, જે તેમનો વહીવટી અનુભવ દર્શાવે છે
૩. અર્જુનભાઈ દેવાભાઈ મોઢવાડિયા: પોરબંદર મત વિભાગના સભ્ય અર્જુનભાઈ મોઢવાડિયાનો જન્મ 17 ફેબ્રુઆરી, 1957ના રોજ થયો હતો. તેમનો વ્યવસાય સામાજિક પ્રવૃત્તિ અને ખેતી છે. તેઓ 11મી અને 12મી ગુજરાત વિધાનસભામાં સભ્ય તરીકે સેવા આપી ચૂક્યા છે અને 2003માં શ્રીલંકામાં યોજાયેલી કોમનવેલ્થ પાર્લામેન્ટરી એસોસીએશનની કોન્ફરન્સમાં ગુજરાતના ડેલીગેટ તરીકે ભાગ લીધો હતો. વાંચન, ટેનિસ, અને વ્યસન નિર્મૂલન તેમના મુખ્ય શોખ છે. Arjun Modhwadiya.
૪. ડૉ. પ્રદ્યુમન ગનુભાઇ વાજા: (Dr Praduman Vaja.)ગીર-સોમનાથ જિલ્લાના કોડીનાર (અ.જા.) મત વિભાગનું પ્રતિનિધિત્વ કરતા ડૉ. પ્રદ્યુમન વાજાનો જન્મ 18મી ઓગસ્ટ, 1969ના રોજ થયો હતો. તેઓ વ્યવસાયે ડૉક્ટર છે અને 12મી ગુજરાત વિધાનસભામાં સભ્ય રહી ચૂક્યા છે. તેઓ નેશનલ મેડિકોઝ ઓર્ગેનાઇઝેશન (National Medicos Organization) ના ટ્રસ્ટી પણ છે. વાંચન, લેખન અને સાંસ્કૃતિક પ્રવૃત્તિઓનો તેમને શોખ છે.
૫. રમણભાઇ ભીખાભાઈ સોલંકી: (Raman Solanki.)આણંદ જિલ્લાના બોરસદ મત વિભાગના સભ્ય રમણભાઇ સોલંકીનો જન્મ 28મી એપ્રિલ, 1965ના રોજ થયો હતો. તેઓ નિવૃત્ત શિક્ષક અને ખેતીના વ્યવસાય સાથે જોડાયેલા છે. 15મી ગુજરાત વિધાનસભામાં તેઓ નાયબ મુખ્ય દંડક તરીકે કાર્યરત હતા અને 2005 થી 2010 દરમિયાન જિલ્લા પંચાયતના સભ્ય તરીકે સેવા આપી ચૂક્યા છે.
રાજ્ય કક્ષાના પ્રધાનો (સ્વતંત્ર હવાલો)New Gujarat Ministers:
૬. ઈશ્વરસિંહ ઠાકોરભાઈ પટેલ (સ્વતંત્ર હવાલો): (Ishwarsinh Patel.)ભરૂચ જિલ્લાના અંકલેશ્વર મત વિભાગના આ વરિષ્ઠ નેતાનો જન્મ 25મી જૂન, 1965ના રોજ થયો હતો. તેઓ 11મીથી 14મી સુધી સતત ગુજરાત વિધાનસભામાં સભ્ય રહ્યા છે. તેમને સહકાર, રમતગમત અને સાંસ્કૃતિક પ્રવૃત્તિઓ વિભાગમાં સંસદીય સચિવ, રાજ્ય કક્ષાના પ્રધાન અને સ્વતંત્ર હવાલો સંભાળવાનો બહોળો અનુભવ છે.
૭. ડૉ. મનીષા રાજીવભાઈ વકીલ (સ્વતંત્ર હવાલો):( Dr Manisha Vakil.) વડોદરા (અ.જા) મત વિભાગના સભ્ય ડૉ. મનીષા વકીલનો જન્મ 25મી માર્ચ 1975ના રોજ થયો હતો. તેઓ વ્યવસાયે સુપરવાઈઝર અને શિક્ષક છે. 13મી અને 14મી વિધાનસભામાં સભ્ય રહીને તેમણે મહિલા અને બાળ વિકાસ (Women and Child Development) વિભાગનો સ્વતંત્ર હવાલો તેમજ સામાજિક ન્યાય અને અધિકારિતા વિભાગમાં રાજ્ય કક્ષાના પ્રધાન તરીકે સેવાઓ આપી હતી.
રાજ્ય કક્ષાના પ્રધાનો
૮. કાંતિલાલ શિવલાલ અમૃતિયા: (. Kantilal Amrutiya.)મોરબી મત વિભાગના આ નેતાનો જન્મ 8મી માર્ચ, 1962ના રોજ થયો હતો. તેઓ ખેતી, ઉદ્યોગ અને શિક્ષણના વ્યવસાય સાથે જોડાયેલા છે. કાંતિ અમૃતિયા 9મીથી 13મી સુધી ગુજરાત વિધાનસભાના સભ્ય રહી ચૂક્યા છે, જે તેમનો લાંબો સંસદીય અનુભવ દર્શાવે છે
૯. રમેશભાઈ ભુરાભાઈ કટારા: (Rameshbhai Katara.) દાહોદ જિલ્લાના ફતેપુરા (અ.જ.જા.) મત વિભાગના સભ્ય રમેશભાઈ કટારાનો જન્મ 4થી મે, 1975ના રોજ થયો હતો. તેઓ 13મી અને 14મી ગુજરાત વિધાનસભામાં સભ્ય હતા અને વિધાનસભાના નાયબ મુખ્યદંડક તરીકે પણ સેવા આપી ચૂક્યા છે.
૧૦. દર્શનાબહેન મુકેશભાઈ વાઘેલા: (Darshana Vaghela.)અમદાવાદ શહેરના અસારવા મત વિભાગના સભ્ય દર્શનાબહેન વાઘેલાનો જન્મ 5મી સપ્ટેમ્બર, 1972ના રોજ થયો હતો. તેઓ પૂર્વ શાળા આચાર્ય (School Principal) રહી ચૂક્યા છે. અમદાવાદ મહાનગરપાલિકામાં બે વખત કોર્પોરેટર અને 2010 થી 2013 દરમિયાન ડેપ્યુટી મેયર તરીકે સેવા આપી હતી.
૧૧. કૌશિકભાઇ કાંતિભાઇ વેકરિયા: (Kaushik Vekariya.) અમરેલી મત વિભાગના આ યુવા નેતાનો જન્મ 9મી જૂન, 1986ના રોજ થયો હતો. તેઓ ખેતી અને વ્યવસાય સાથે જોડાયેલા છે અને 15મી ગુજરાત વિધાનસભામાં નાયબ મુખ્ય દંડક તરીકે કાર્યરત હતા. તેમને રાજકીય ઇતિહાસ (Political History) અને રાજપુરુષોની જીવનગાથા વાંચવાનો શોખ છે.
૧૨. પ્રવિણકુમાર ગોરધનજી માળી: (Pravinkumar Mali.) બનાસકાંઠા જિલ્લાના ડિસા મત વિભાગનું પ્રતિનિધિત્વ કરતા પ્રવિણકુમાર માળીનો જન્મ 8મી માર્ચ 1985ના રોજ થયો હતો. તેઓ ખેતી અને વેપાર સાથે જોડાયેલા છે અને ભાજપના પ્રદેશ દસ્તાવેજીકરણ વિભાગના સંયોજક રહી ચૂક્યા છે.
૧૩. ડૉ. જયરામભાઈ ચેમાભાઈ ગામીત: ( Dr Jayram Gamit.)તાપી જિલ્લાના નિઝર (અ.જ.જા.) મત વિભાગના સભ્ય ડૉ. જયરામભાઈ ગામીતનો જન્મ 1લી જૂન, 1975ના રોજ થયો હતો. વ્યવસાયે ખેતી અને પશુપાલન સાથે સંકળાયેલા છે. તેઓ ભાજપના તાપી જિલ્લાના પ્રમુખ (District President) તરીકે સેવા આપી ચૂક્યા છે.
૧૪. ત્રિકમભાઈ બીજલભાઈ છાંગા: ( Trikambhai Chhanga.) કચ્છ જિલ્લાના અંજાર મત વિભાગના સભ્ય ત્રિકમભાઈ છાંગાનો જન્મ 1લી જૂન, 1962ના રોજ થયો હતો. તેઓ નિવૃત્ત આચાર્ય (Retired Principal) છે અને કચ્છ જિલ્લા પંચાયતના પ્રમુખ તરીકે સેવા આપી ચૂક્યા છે.
૧૫. કમલેશભાઇ રમેશભાઈ પટેલ:(Kamlesh Patel.) આણંદ જિલ્લાના પેટલાદ મત વિભાગના સભ્ય કમલેશભાઇ પટેલનો જન્મ 12મી એપ્રિલ, 1970ના રોજ થયો હતો. તેઓ ખેતી અને નોકરી (આચાર્ય)ના વ્યવસાય સાથે જોડાયેલા છે. તેમણે પેટલાદ તાલુકા ભાજપના પ્રમુખ તરીકે પણ સેવા આપી છે.
૧૬. સંજયસિંહ વિજયસિંહ મહિડા: (Sanajysinh Mahida.) ખેડા જિલ્લાના મહુધા મત વિભાગના સભ્ય સંજયસિંહ મહિડાનો જન્મ 20મી ઓકટોબર, 1979ના રોજ થયો હતો. તેઓ ખેતી અને વેપાર સાથે સંકળાયેલા છે. તેઓ તાલુકા પંચાયત-નડિયાદના પ્રમુખ રહી ચૂક્યા છે અને યુવા મોરચામાં સક્રિય રહ્યા છે.
૧૭. પુનમચંદ ધનાભાઈ બરંડા: (Punamchand Baranda.) અરવલ્લી જિલ્લાના ભિલોડા (અ.જ.જા.) મત વિભાગના સભ્ય પુનમચંદ બરંડાનો જન્મ 1લી જૂન, 1959ના રોજ થયો હતો. તેઓ ખેતીના વ્યવસાય સાથે જોડાયેલા છે અને ભાજપના પ્રદેશ આદિજાતી મોરચાના મહામંત્રી (General Secretary) તરીકે સેવા આપી ચૂક્યા છે.
૧૮. સ્વરૂપજી સરદારજી ઠાકોર: બનાસકાંઠા જિલ્લાના વાવ મત વિભાગના સભ્ય સ્વરૂપજી ઠાકોરનો જન્મ 1લી જૂન, 1979ના રોજ થયો હતો. તેઓ ખેતી અને વ્યાપાર સાથે જોડાયેલા છે અને ગુજરાત ક્ષત્રિય ઠાકોર સેનાના ઉપપ્રમુખ રહી ચૂક્યા છે. Swarupji Thakor.
૧૯. રીવાબા રવિન્દ્રસિંહ જાડેજા: (Rivaba Jadeja.) જામનગર (ઉત્તર) મત વિભાગના સભ્ય રીવાબા જાડેજાનો જન્મ 5મી સપ્ટેમ્બર, 1990ના રોજ રાજકોટમાં થયો હતો. તેઓ વ્યવસાયે સમાજસેવા સાથે જોડાયેલા છે. તેઓ માતૃશક્તિ ચેરીટેબલ ટ્રસ્ટના સ્થાપક અને મેનેજિંગ ટ્રસ્ટી (Managing Trustee) છે અને સ્ત્રી સશક્તિકરણની પ્રવૃત્તિઓ સાથે સંકળાયેલા છે.
આ પણ વાંચો: ગુજરાતમાં 9 કેબિનેટ અને 16 રાજ્યકક્ષાના મંત્રીઓની શપથવિધિ પૂર્ણ
