Mehmedabad Drainage Issue : મહેમદાવાદ શહેરના રાવળવાસ વિસ્તારમાં [Ravalvas Area] આવેલ એસ.વાય. મન્સૂરી હોલ અને સ્થાનિક શાળા પાસે છેલ્લા ૧૦ વર્ષથી ગટર ઉભરાવાની અત્યંત ગંભીર અને વણઉકેલાયેલી સમસ્યા [Open Drainage Issue] સર્જાયેલી છે. શાળાની આસપાસ જમા થતા ગંદા પાણી અને મચ્છરોના ભારે ઉપદ્રવને કારણે અનેક માસૂમ બાળકો અવારનવાર બીમારીના ખાટલે પડી રહ્યા છે. આ વિસ્તારમાં ભયંકર રોગચાળો [Epidemic Threat] ફાટી નીકળવાની દહેશત વ્યાપી ગઈ છે, જેનાથી બાળકોના સ્વાસ્થ્ય અને ભવિષ્ય સાથે ખુલ્લેઆમ ચેડાં થઈ રહ્યા છે.
Mehmedabad Drainage Issue : માત્ર ફોટા પડાવી ચાલ્યા જતા કર્મચારીઓ
સ્થાનિક રહીશો અત્યંત ખેદ અને રોષ સાથે આક્ષેપ કરી રહ્યા છે કે, આ અંગે સ્થાનિક કક્ષાએ જ્યારે પણ રજૂઆત કરવામાં આવે છે, ત્યારે પાલિકાના નીચેના કર્મચારીઓ માત્ર દેખાવ ખાતર જ સ્થળ પર આવે છે. આ કર્મચારીઓ માત્ર કામગીરી કર્યાના ફોટા [Photo Ops] પડાવીને ઉચ્ચ અધિકારીઓને મોકલી આપે છે અને મૂળ સમસ્યા એમની એમ જ મૂકીને ચાલ્યા જાય છે. છેલ્લા ૧૦ વર્ષથી ફોટા પડાવવાની આ છેતરામણી કામગીરીનો સિલસિલો અવિરત ચાલી રહ્યો છે.
RCM કચેરીમાં કરાઈ ઉગ્ર રજૂઆત
સ્થાનિક નગરપાલિકાની નિષ્ક્રિયતા અને ફોટા પડાવવાની આ છેતરામણી કામગીરીથી કંટાળીને, સ્થાનિકો દ્વારા છેવટે રિજિયોનલ કમિશનર ઓફ મ્યુનિસિપાલિટીઝ (RCM/RMC) ઝોનલ કચેરીમાં [Regional Commissioner Office] ઉગ્ર રજૂઆત કરવામાં આવી છે. લોકોની સ્પષ્ટ માંગ છે કે આ નાટક તાત્કાલિક બંધ કરવામાં આવે અને ઝોનલ કક્ષાના ઉચ્ચ અધિકારીઓ [Higher Officials] જાતે જ સ્થળ તપાસ કરે. જ્યાં સુધી આ ગટરની સમસ્યાનો તાકીદે કોઈ ટેકનિકલ અને કાયમી ઉકેલ [Permanent Technical Solution] નહીં આવે, ત્યાં સુધી લોકોની લડત ચાલુ રહેશે.
આ પણ વાંચો: Kheda BJP Minority Morcha :નડિયાદ કમલમ ખાતે મળી ખેડા જિલ્લા લઘુમતી મોરચાની મહત્વની બેઠક
