Bioluminescent Bacteria Discovery MSU: વડોદરાની મહારાજા સયાજીરાવ યુનિવર્સિટી [Maharaja Sayajirao University] હસ્તકની એમ.કે. અમીન કોલેજ [M.K. Amin College], પાદરાના બે તેજસ્વી વિદ્યાર્થીઓએ વિજ્ઞાન જગતમાં ડંકો વગાડ્યો છે. બીએસસી માઈક્રોબાયોલોજીના [B.Sc. Microbiology] વિદ્યાર્થીઓ અર્ણવ ઢમઢેરે [Arnav Dhamdhere] અને હરિઓમ પાઠકે [Hariom Pathak] સમુદ્રના પાણીમાંથી એવા વિશિષ્ટ બેક્ટેરિયા શોધી કાઢ્યા છે જે અંધારામાં કુદરતી રીતે રોશની પેદા કરે છે. આ પ્રકારના જીવોને બાયોલ્યુમિનિસન્ટ બેક્ટેરિયા [Bioluminescent Bacteria] કહેવામાં આવે છે, જેની શોધે શૈક્ષણિક અને વૈજ્ઞાનિક ક્ષેત્રે ભારે કુતૂહલ જગાડ્યું છે.
દરિયાઈ પાણીમાંથી આઈસોલેશનની પ્રક્રિયા (Bioluminescent Bacteria Discovery MSU)
આ સંશોધન માટે વિદ્યાર્થીઓએ મહારાષ્ટ્રના રત્નાગીરી [Ratnagiri] વિસ્તારમાંથી દરિયાઈ પાણીના સેમ્પલ એકત્ર કર્યા હતા. અર્ણવ ઢમઢેરેના જણાવ્યા મુજબ, તેઓ હંમેશાથી સમુદ્ર રાત્રે કેમ ચમકે છે તે જાણવા ઉત્સુક હતા અને આ જ જિજ્ઞાસા તેમને આ સંશોધન તરફ દોરી ગઈ. પ્રોફેસર દેવર્ષિ ગજ્જર [Prof. Devarshi Gajjar] અને ડૉ. પ્રિયા મિશ્રાના [Dr. Priya Mishra] માર્ગદર્શન હેઠળ વિદ્યાર્થીઓએ લગભગ ૧૧ મહિના સુધી લેબોરેટરીમાં સખત મહેનત કરી હતી. ખારા પાણીમાં જીવતા આ બેક્ટેરિયાને રિફાઈન [Refine] અને આઈડેન્ટિફાય કરવામાં તેમને ઘણો સમય લાગ્યો હતો.
ભવિષ્યમાં મેડિકલ અને બાયોટેકનોલોજીમાં ઉપયોગ (Medical and Biotechnology Applications)
આ ચમકતા બેક્ટેરિયા માત્ર જોવામાં જ આકર્ષક નથી, પરંતુ તેનો વ્યવહારુ ઉપયોગ પણ ઘણો છે. કોલેજના પ્રોફેસરોએ જણાવ્યું કે આ બેક્ટેરિયામાંથી ખાસ લિક્વિડ [Liquid] બનાવવાની યોજના છે. આ સંશોધન ભવિષ્યમાં પ્રદૂષણની દેખરેખ [Pollution Monitoring], મેડિકલ ડાયગ્નોસિસ અને બાયોટેકનોલોજીના [Biotechnology] ક્ષેત્રમાં ક્રાંતિ લાવી શકે છે. હાલમાં આ બેક્ટેરિયાનું પેથોલોજીકલ વિશ્લેષણ [Pathological Analysis] ચાલી રહ્યું છે, જે પૂર્ણ થયા બાદ તેના વ્યાપક ઉપયોગ માટેના નવા દ્વાર ખુલશે.
આ પણ વાંચો: ઉધના સ્ટેશન પર ભીડ બાદ રેલવેનો એક્શન પ્લાન; સ્પેશિયલ ટ્રેનો શરૂ
