અમદાવાદમાં હોસ્ટેલ, રહેવાની સુવિધા-લોજીંગ કે બોર્ડિંગ સુવિધા સ્થાપવાનું તમે આયોજન કરી રહ્યા છો? AMC એ ન્યુ ડેવલપમેન્ટ પ્લાન હેઠળ ઉપયોગ માટે ખાસ નિયમો જારી કર્યા છે. દંડથી બચવા અને સરળ મંજૂરીઓ મેળવવા માટે સ્થાન પરવાનગીઓ, FSI મર્યાદાઓ, રસ્તાની પહોળાઈની આવશ્યકતાઓ અને ઓપરેશનલ લાઇસન્સ… pic.twitter.com/Y6GOHEYlPh
— Amdavad Municipal Corporation (@AmdavadAMC) July 21, 2025
નવી નીતિ અનુસાર, હોસ્ટેલ, લોજિંગ કે બોર્ડિંગ ચલાવતા સંચાલકોએ 30 દિવસની અંદર AMCમાં અરજી કરવી પડશે. આ અરજીમાં વિકાસ પરવાનગી (Development Permission) અને બીયુ (બિલ્ડિંગ યુઝ) પરવાનગી સહિતની તમામ જોગવાઈઓનું પાલન થતું હોવું જોઈએ. જો આ શરતો પૂરી નહીં થાય તો કડક પગલાં લેવામાં આવશે. હાલમાં ચાલતા હોસ્ટેલો અને પીજીઓએ પણ આ માટે નવેસરથી વિકાસ પરવાનગી અને બીયુ પરવાનગી લેવી પડશે.જે વ્યક્તિ હોમ સ્ટે ચલાવે છે, તેમણે રાજ્ય સરકારની હોમ સ્ટે પોલિસી હેઠળ મંજૂરી મેળવવી પડશે અને તે મંજૂરી AMCમાં રજૂ કરવાની રહેશે.
નવા નિયમો અનુસાર, પીજી ચલાવવા માટે સોસાયટીનું નો-ઓબ્જેક્શન સર્ટિફિકેટ (NOC) ફરજિયાત બનાવવામાં આવ્યું છે. આ જોગવાઈથી સોસાયટીના રહીશોને પીજી સંબંધિત સમસ્યાઓ સામે સત્તાવાર અધિકાર મળશે.
ફાયર સેફ્ટી અને પોલીસ મંજૂરી ફરજિયાત
AMCએ પીજીમાં રહેતા વિદ્યાર્થીઓ અને નોકરિયાતોની સુરક્ષા માટે ફાયર સેફ્ટી, પોલીસ અને એસ્ટેટ વિભાગની મંજૂરીઓ ફરજિયાત કરી છે. આ ઉપરાંત, પીજી સંચાલકોએ 20% પાર્કિંગની જોગવાઈનું પાલન કરવું પડશે, જેનાથી પાર્કિંગની સમસ્યા ઘટશે.
શા માટે આ નીતિ?
શહેરની અનેક સોસાયટીઓ અને ફ્લેટોમાં ચાલતા પીજીઓમાં મારામારી, સોસાયટીના રહીશો સાથે ઝઘડા અને અન્ય સમસ્યાઓની ફરિયાદોને કારણે AMCએ આ કડક નિયમો લાગુ કર્યા છે. આ નીતિથી પીજીની સુવિધાઓ અને સુરક્ષામાં સુધારો થશે તેમજ સોસાયટીઓમાં શાંતિ જળવાશે.
આ પણ વાંચો- AdFalciVax: ભારતે મેલેરિયા સામે લડવા માટે પ્રથમ સ્વદેશી રસી બનાવી
