ICC ચેમ્પિયન્સ ટ્રોફી 2025 ની બીજી સેમિફાઇનલ ન્યુઝીલેન્ડ અને દક્ષિણ આફ્રિકા વચ્ચે રમાઈ હતી. લાહોરના ગદ્દાફી સ્ટેડિયમમાં રમાયેલી આ મેચમાં, ન્યુઝીલેન્ડે દક્ષિણ આફ્રિકા પર 50 રનથી વિજય મેળવ્યો. દક્ષિણ આફ્રિકા સામે જીત માટે ૩૬૩ રનનો લક્ષ્યાંક હતો, જેની સામે તેના બેટ્સમેનો લાચાર દેખાતા હતા. દક્ષિણ આફ્રિકાની ટીમ 50 ઓવરમાં 9 વિકેટે માત્ર 312 રન જ બનાવી શકી. એનો અર્થ એ થયો કે આફ્રિકન ટીમ ફરી એકવાર મોટી મેચોમાં ચોકર સાબિત થઈ.
ICC ચેમ્પિયન્સ ટ્રોફી 2025 ની બીજી સેમિફાઇનલ ન્યુઝીલેન્ડ અને દક્ષિણ આફ્રિકા વચ્ચે રમાઈ રહી છે. આ મેચ લાહોરના ગદ્દાફી સ્ટેડિયમમાં રમાઈ રહી છે. આ મેચમાં ન્યુઝીલેન્ડે દક્ષિણ આફ્રિકાને જીતવા માટે 363 રનનો લક્ષ્યાંક આપ્યો છે. લક્ષ્યનો પીછો કરતા, દક્ષિણ આફ્રિકાએ 9 વિકેટ ગુમાવીને 280 થી વધુ રન બનાવ્યા છે. લુંગી એનગિડી અને ડેવિડ મિલર ક્રીઝ પર છે.
આ મેચ જીતનારી ટીમ ફાઇનલમાં પ્રવેશ કરશે, જ્યાં તેનો મુકાબલો રોહિત શર્માના નેતૃત્વવાળી ભારતીય ટીમ સાથે થશે. ચેમ્પિયન્સ ટ્રોફીનો આ ટાઇટલ મેચ 9 માર્ચે દુબઈ ઇન્ટરનેશનલ ક્રિકેટ સ્ટેડિયમ ખાતે રમાશે. તમને જણાવી દઈએ કે ભારતીય ટીમે પહેલા સેમિફાઇનલમાં ઓસ્ટ્રેલિયાને 4 વિકેટથી હરાવીને ફાઇનલમાં પ્રવેશ કર્યો હતો.
લક્ષ્યનો પીછો કરતી વખતે દક્ષિણ આફ્રિકાની શરૂઆત ખરાબ રહી હતી. તેઓએ પાંચમી ઓવરમાં રાયન રિકેલ્ટન (૧૭) ની વિકેટ ગુમાવી, જે મેટ હેનરીના બોલ પર માઈકલ બ્રેસવેલ દ્વારા કેચ આઉટ થયો. આ પછી, કેપ્ટન ટેમ્બા બાવુમા અને રાસી વાન ડેર ડુસેને સાથે મળીને દક્ષિણ આફ્રિકાની કમાન સંભાળી. બાવુમા અને દુસાન વચ્ચે બીજી વિકેટ માટે 105 રનની ભાગીદારી થઈ. બાવુમાએ ૭૧ બોલમાં ચાર ચોગ્ગા અને એક છગ્ગાની મદદથી ૫૬ રન બનાવ્યા. બાવુમાને કિવી કેપ્ટન મિશેલ સેન્ટનરે આઉટ કર્યો.
