એલોન મસ્કએ મંગળ મિશનની સમયરેખા આપી છે. તેમણે કહ્યું કે તેઓ આગામી 20 વર્ષમાં મંગળ પર કોલોની સ્થાપવા માંગે છે. સંપૂર્ણપણે ફરીથી વાપરી શકાય તેવું રોકેટ બનાવ્યા બાદ મસ્કે આ દાવો કર્યો છે. મસ્કએ X પર કહ્યું કે મંગળપર એક ટન પેલોડ મોકલવા માટે લગભગ એક અબજ ડોલરનો ખર્ચ થાય છે. આવી સ્થિતિમાં મંગળ પર વસાહત સ્થાપવા માટે 10 હજાર ગણી સારી ટેક્નોલોજીની જરૂર છે. આ ચોક્કસપણે મુશ્કેલ છે પરંતુ અશક્ય નથી.
ટેસ્લા ચીફે કહ્યું કે આગામી બે વર્ષમાં મંગળ માટે સ્ટારશિપ લોન્ચ કરવામાં આવશે. તેમણે કહ્યું કે, સૌપ્રથમ એક માનવરહિત વાહનને મંગળપર પરીક્ષણ લેન્ડિંગ માટે મોકલવામાં આવશે. જો લેન્ડિંગ સારી રીતે થાય છે, તો આગામી ચાર વર્ષમાં પ્રથમ માનવયુક્ત અવકાશયાન મંગળપર મોકલવામાં આવશે. તેમણે કહ્યું કે, આગામી 20 વર્ષમાં મંગળ પર વસાહત સ્થાપવાના ઉદ્દેશ્ય સાથે ફ્લાઇટના દરમાં સતત વધારો કરવામાં આવશે. તેમણે કહ્યું કે અન્ય ગ્રહો પર જીવનનું અસ્તિત્વ માનવીના આયુષ્યમાં વધારો કરશે.
મંગળ શા માટે લક્ષ્ય છે? પૃથ્વીથી મંગળનું સરેરાશ અંતર 140 મિલિયન માઈલ હતું. આ કિસ્સામાં, તે પૃથ્વીનો સૌથી નજીકનો ગ્રહ છે. પૃથ્વી સૂર્યથી 50 ટકા દૂર હોવા છતાં પણ પૂરતી ઊર્જા તેના સુધી પહોંચે છે. સ્પેસએક્સે કહ્યું, આ ગ્રહ થોડો ઠંડો છે પરંતુ તેને ગરમ કરી શકાય છે. તેના વાતાવરણમાં કાર્બન ડાયોક્સાઇડ અને નાઇટ્રોજન અને ઓક્સિજન બંને હોય છે. મતલબ કે મંગળનું વાતાવરણ સંકોચાઈ રહ્યું છે.
મંગળપર પૃથ્વીની સરખામણીમાં 38 ટકા ગુરુત્વાકર્ષણ છે. આવી સ્થિતિમાં, તેના પર ભારે વસ્તુઓ ઉપાડવી સરળ રહેશે. આ સિવાય મંગળ પરનો દિવસ પણ પૃથ્વીની સરખામણીમાં લગભગ સમાન છે. થોડા સમય પહેલા વૈજ્ઞાનિકોએ કહ્યું હતું કે મંગળને ગરમ કરવાની એક રીત શોધી કાઢવામાં આવી છે. આ માટે લોખંડ અને એલ્યુમિનિયમથી બનેલા કૃત્રિમ કણોને એરોસોલના રૂપમાં મોકલવામાં આવશે. આ સૂર્યપ્રકાશને મંગળ સુધી પહોંચતા અટકાવશે અને સપાટીને ધીમે ધીમે ગરમ કરશે.
આ પણ વાંચો- કંગના રનૌતની ‘ઇમરજન્સી’ પર સેન્સરએ ચલાવી કાતર, આ ત્રણ કટ સાથે ફિલ્મ કરી પાસ!
