બોલિવૂડના ભાઈજાન સલમાન ખાન પર ખતરો મંડરાઇ રહ્યો છે. NCP નેતા બાબા સિદ્દીકીની લોરેન્સ બિશ્નોઈ ગેંગ દ્વારા હત્યા કરવામાં આવી ત્યારથી સલમાનના ચાહકો ચિંતિત છે. સલમાનની સુરક્ષા પણ પહેલા કરતા વધુ મજબૂત કરવામાં આવી છે.આ દરમિયાન સમાચાર છે કે દુબઈથી તેના માટે બુલેટ પ્રુફ કાર પણ મંગાવવામાં આવી છે.આ દરમિયાન આ સમગ્ર મામલે સલમાન ખાનના પિતા સલીમ ખાનનું નિવેદન સામે આવ્યું છે. વાસ્તવમાં સલીમ ખાને લોરેન્સ બિશ્નોઈને ફટકાર લગાવી છે.
બોલિવૂડ સુપરસ્ટાર સલમાન ખાનના પિતા સલીમ ખાને તાજેતરમાં કહ્યું કે એનસીપી નેતા બાબા સિદ્દીકીની હત્યાનો સલમાન ખાન સાથે કોઈ સંબંધ નથી. છેલ્લા એક વર્ષમાં, સલમાન ખાનને ગેંગસ્ટર લોરેન્સ બિશ્નોઈની ગેંગ તરફથી સતત જાનથી મારી નાખવાની ધમકીઓ મળી રહી છે, જે તાજેતરમાં વધુ વધી છે. બાબા સિદ્દીકીની હત્યાએ આ ધમકીઓને વધુ વધારી દીધી છે, જેનાથી અભિનેતાના પરિવારની ચિંતા વધી ગઈ છે.
સલમાન ખાન હાલમાં કડક સુરક્ષા હેઠળ જીવી રહ્યો છે. પોલીસ તેના દરેક પગલા પર ચાંપતી નજર રાખી રહી છે, પછી તે ઘરની બહાર નીકળે કે શૂટિંગ સ્થળ પર જાય. બીજી તરફ લોરેન્સ બિશ્નોઈની ગેંગ દ્વારા સલમાનને સતત ધમકીઓ મળી રહી છે. સલીમ ખાને આ મામલે પોતાની ચિંતા વ્યક્ત કરી છે. સલીમ ખાને સ્પષ્ટ કર્યું કે સલમાને ક્યારેય કોઈ પ્રાણીને નુકસાન પહોંચાડ્યું નથી. તેણે કહ્યું, ‘સલમાને ક્યારેય વંદો પણ માર્યો નથી. અમે હિંસામાં માનતા નથી.
આ પણ વાંચો – પ્રતિબંધિત સંગઠન PFI પર EDનો મોટો ખુલાસો, 13 હજારથી વધુ સક્રિય સભ્યો, ભારત વિરુદ્ધ કરી રહ્યા છે પ્લાનિંગ
