Somnath- પ્રથમ જ્યોતિર્લિંગ સોમનાથ મંદિરની 282 કરોડ રૂપિયાના ખર્ચે કાયાપલટ થવા જઈ રહી છે. વડાપ્રધાન નરેન્દ્ર મોદીના માર્ગદર્શન હેઠળ સોમનાથ ટ્રસ્ટ અને ગુજરાત સરકાર દ્વારા આ ભવ્ય પ્રોજેક્ટ હાથ ધરાયો છે. સોમનાથ શહેરી વિકાસ સત્તામંડળ (સુડા) દ્વારા 102 એકર જમીન સાફ કરી, ગેરકાયદે દબાણ હટાવાયા. માસ્ટર પ્લાનમાં 1.48 કિમીનો દરિયાકિનારે પ્રોમેનેડ, શોપિંગ કોમ્પ્લેક્સ, હેરિટેજ વોક, ગીતા મંદિર અને ઇકો-વિલેજ હાટનો સમાવેશ છે. અહિલ્યાબાઈ અને પાર્વતી મંદિરનું નવીનીકરણ થશે. નાગર શૈલીના સ્થાપત્ય અને ઐતિહાસિક મહિમા દર્શાવતું મ્યુઝિયમ મુખ્ય આકર્ષણ હશે, જે પ્રવાસનને નવી ઊંચાઈઓ આપશે.
Somnath -નોંધનીય છે કે અહિલ્યાબાઈ મંદિર અને માતા પાર્વતી મંદિર બંનેનું નવીનીકરણ કરવાનો સમાવેશ થાય છે. આ 1.48 કિમીનો પ્રોમેનેડ સમુદ્ર કિનારે ફેલાયેલો હશે. તેમાં લેન્ડસ્કેપિંગ, બાળકોના રમતના વિસ્તારો, પ્રાચીન ધાર્મિક ચિત્રો અને સુશોભન લાઇટિંગનો સમાવેશ થશે. ઘણા નવા પ્રોજેક્ટ્સ પર કામ ચાલી રહ્યું છે. આમાં શોપિંગ કોમ્પ્લેક્સ, હેરિટેજ વોક અને મ્યુઝિયમનો સમાવેશ થાય છે. યોજનાઓમાં ગીતા મંદિર, ત્રિવેણી સંગમ ખાતે રિવરફ્રન્ટ અને ઇકો-વિલેજ હાટનો પણ સમાવેશ થાય છે.
આ પણ વાંચો- પાકિસ્તાનમાં દહેશત, પ્રજાને બે મહિનાનો રાશન સ્ટોક કરવાનો કર્યો આદેશ
