ગુજરાત નાણા પ્રધાન કનુ દેસાઈએ આજે 2025-26 માટેનું ₹3 લાખ 70 હજાર 250 કરોડનું બજેટ રજૂ કર્યું, જેમાં ખેડૂતો માટે ખાસ નિર્ણય લેવામાં આવ્યા હતા. આ બજેટમાં ખાસ કરીને કૃષિ ક્ષેત્રમાં મોટા પગલાં ભરવામાં આવ્યા, જેમ કે:
-
કિસાન ક્રેડિટ કાર્ડ: ખેડૂતો માટે ક્રિસાન ક્રેડિટ કાર્ડમાં ધિરાણ મર્યાદા ₹3 લાખથી વધારી ₹5 લાખ કરવામાં આવી છે, જે ખેડૂતો માટે વધુ નાણાં ઉપલબ્ધ કરાવશે, અને તેની મદદથી તેઓ ખેતી માટે જરૂરી સાધનો અને પધ્ધતિઓ સરળતાથી ખરીદી શકશે.
-
કિસાન સૂર્યોદય યોજના: આ યોજના હેઠળ, રાજ્યના 97% ગામડાઓમાં ખેડૂતોને દિવસ દરમિયાન વીજળી આપવામાં આવી રહી છે, જે તેમના માટે ખૂબ જ લાભદાયક છે, ખાસ કરીને રાતના સમયે પાણી વાળવા માટે થતી મુશ્કેલીઓથી મુક્તિ માટે. આ યોજના માટે ₹2,175 કરોડની ફાળવણી કરવામાં આવી છે.
-
સરદાર સરોવર યોજના: આ યોજના હેઠળ, 18 લાખ હેક્ટર સિંચાઇ ક્ષમતા માટે માળખું તૈયાર કરવામાં આવ્યું છે, જેમાં 17.22 લાખ હેક્ટર વિસ્તાર સુધી સિંચાઇ યોજનાઓનો વિસ્તરણ કરવામાં આવ્યો છે. સરોવર નહેરો માટેના કામો પણ પ્રગતિ પર છે.
-
મકાન અને લોન પર રાહત: ખેડૂતો, પશુપાલકો અને સાગરખેડુઓને સરળતાથી લોન અને 4% વ્યાજ રાહત આપવામાં આવશે, જે માટે ₹1,252 કરોડની જોગવાઈ કરવામાં આવી છે.
આ નિર્ણયો ખેડૂતો અને કૃષિ ક્ષેત્ર માટે આર્થિક મજબૂતી લાવવાના હેતુથી લેવાયા છે, જે આગામી સમયમાં રાજ્યના કૃષિ વિકાસ માટે મોટી મદદરૂપ થઈ શકે છે.
