Joe Kent Resignation : અમેરિકા અને ઈરાન વચ્ચે ચાલી રહેલા ભીષણ યુદ્ધ અને તણાવ વચ્ચે અમેરિકી રાજકારણ અને સુરક્ષા તંત્રમાં એક મોટો ભૂકંપ આવ્યો છે. અમેરિકાના ટોચના આતંકવાદ-વિરોધી અધિકારી અને નેશનલ કાઉન્ટર-ટેરેરિઝમ સેન્ટર (NCTC) ના ડિરેક્ટર જો કૈન્ટ (Joe Kent) એ પોતાના પદ પરથી રાજીનામું આપી દીધું છે. આ રાજીનામું માત્ર એક વહીવટી પ્રક્રિયા નથી, પરંતુ રાષ્ટ્રપતિ ડોનાલ્ડ ટ્રમ્પની ઈરાન નીતિ સામેનો એક મોટો બળવો માનવામાં આવી રહ્યો છે. જો કૈન્ટે ખુલ્લા શબ્દોમાં આ યુદ્ધનો વિરોધ નોંધાવ્યો છે, જેનાથી અમેરિકી પ્રશાસનની પારદર્શિતા અને યુદ્ધના મૂળ હેતુઓ પર ગંભીર સવાલો ઊભા થયા છે.
રાજીનામું આપતા જો કૈન્ટે સ્પષ્ટપણે જણાવ્યું છે કે તેઓ પોતાના અંતરાત્મા (good conscience) ના અવાજને અનુસરીને આ વિનાશક યુદ્ધનું સમર્થન કરી શકે તેમ નથી. તેમણે એક સનસનીખેજ દાવો કર્યો છે કે ઈરાન તરફથી અમેરિકાને કોઈ જ ‘તાત્કાલિક ખતરો’ નહોતો, પરંતુ આ યુદ્ધ ઇઝરાયલ અને તેની અમેરિકન લોબીના ભારે દબાણ હેઠળ શરૂ કરવામાં આવ્યું છે. ટોચના સુરક્ષા વિશ્લેષક દ્વારા કરવામાં આવેલો આ ખુલાસો એવા સમયે આવ્યો છે જ્યારે મધ્ય પૂર્વમાં બંને પક્ષો તરફથી સતત સૈન્ય હુમલાઓ થઈ રહ્યા છે. આ નિવેદને ટ્રમ્પ પ્રશાસનના યુદ્ધ પાછળના તર્કોને સીધી રીતે પડકાર્યા છે.
Joe Kent Resignation: જો કૈન્ટનો સનસનીખેજ દાવો:
NCTC ચીફે સોશિયલ મીડિયા પર સ્પષ્ટ લખ્યું કે ઈરાન અમેરિકા માટે તાત્કાલિક ખતરો નહોતો. આ યુદ્ધ ઢોંગ છે અને તે ઇઝરાયલના કહેવા પર અમેરિકા પર થોપવામાં આવ્યું છે.
ટ્રમ્પની નીતિને મોટો ફટકો: અમેરિકાના ટોચના સુરક્ષા અધિકારીનું આ રીતે રાજીનામું આપવું અને ખુલ્લેઆમ વિરોધ કરવો એ ડોનાલ્ડ ટ્રમ્પની વિદેશ નીતિ અને સૈન્ય નિર્ણયોની વિશ્વસનીયતા પર મોટો પ્રશ્નાર્થ ચિન્હ લગાવે છે.
કોણ છે જો કૈન્ટ?
જો કૈન્ટ એક અત્યંત અનુભવી સુરક્ષા અધિકારી છે. તેઓ ભૂતપૂર્વ ગ્રીન બેરેટ (Green Beret) કમાન્ડો રહી ચૂક્યા છે અને 11 વખત વિવિધ મિશન પર ડિપ્લોયમેન્ટ પર ગયા છે. તેમણે ખ્યાતનામ જાસૂસી સંસ્થા CIA માં પણ ફરજ બજાવી છે.
વિવાદિત અને રાજકીય ભૂતકાળ:
જુલાઈ 2025માં જ તેમને 52-44 ના વોટિંગથી NCTC ના પ્રમુખ તરીકે નિયુક્ત કરવામાં આવ્યા હતા. આ નિમણૂક સમયે ડેમોક્રેટ્સે તેમનો ભારે વિરોધ કર્યો હતો, કારણ કે તેમના પર કટ્ટર દક્ષિણપંથી (ફાર-રાઈટ) સંગઠનો સાથે સંબંધ હોવાના આક્ષેપો લાગ્યા હતા. અગાઉ તેમણે અમેરિકી કોંગ્રેસ માટે પણ બે વખત ચૂંટણી લડી હતી, પરંતુ તેમાં તેમની હાર થઈ હતી.
આ પણ વાંચો: MEA statement on Hormuz : હોર્મુઝમાં યુદ્ધપોત તૈનાત કરવાની ટ્રમ્પની અપીલ પર ભારતે આપ્યો સ્પષ્ટ જવાબ!
